भीम रावलको अछाममा बुथ कब्जा गर्ने एमाले प्रयास विफल
प्रकाशित २०७४ मंसिर २१ बिहिबार
136
Shares
साँफेबगर । अछामको साँफेबगर नगरपालिकास्थित राष्ट्रिय माविमा रहेको मतदान केन्द्रमा एमालेका कार्यक्रर्ताले बुथ कब्जा गर्न खोजेपछि झडप भएको छ ।
मतदान भइरहेका बेला हुल बाँधेर बाम गठबन्धनका कार्यकर्ताले बुथ कब्जा गर्न खोजेपछि प्रहरीले रोकेको थियो ।
बुथ कब्जा गर्न खोजेको थाहा पाएपछि कांग्रेस कार्यकर्ताले पनि नाराबाजी गर्दै बिरोध जनाएका छन् । कांग्रेसले विरोध गरेर प्रतिकारको चेतावनी दिएपछि बाम गठबन्धन हच्किएको हो । सो बुथमा केही समय तनाव उत्पन्न भएको थियो ।
मतदान केन्द्रलाई सुरक्षित गर्न नेपाली सेनालाई परिचालन गरिएको प्रहरीले जनाएको छ ।
अछाम जिल्लामा एमालेका उपाधयक्ष भीम रावलले बाम गठबन्धनलाई जिताउन हदैसम्मको गतिविधी गरेको नेपाली कांग्रेसका सभापति भरतबहादुर स्वाँरले बताए ।
एमालेका नेता रावल अछाम क्षेत्र नं. १ बाट प्रतिनिधी सभामा उम्मेदवार छन् । उनलाई माओवादी केन्द्रले साथ दिएको छ ।
