arrow

निर्वाचन आचारसंहिता मंसिर २७ गतेदेखि हटाइएको आयोगको स्पष्टोक्ति

logo
प्रकाशित २०७४ पुष २ आइतबार
Election-Commission-hamrakura-3.jpg1.jpeg

काठमाडौं। निर्वाचन आयोगले प्रतिनिधिसभा तथा प्रदेशसभा सदस्य निर्वाचनका लागि भदौ १४ गतेदेखि लागू गरेको निर्वाचन आचारसंहिता मंसिर २७ गतेदेखि नै हटाएको जानकारी गराएको छ। आयोगको मंसिर २६ गतेको बैठकले निर्वाचन आचारसंहिता लागू नरहने निर्णय गरेको आयोगका प्रवक्ता नवराज ढकालले जानकारी दिए। निर्वाचन आचारसंहिताअनुसार आयोगले तोकेका निकायका लागि तोकिएको अवधिभर संहिता लागू हुनेछ।

नेपाल सरकार र नेपाल सरकारका मन्त्री, स्थानीय तह, स्थानीय तहका कर्मचारी, सार्वजनिक संस्थाका कार्यालय तथा कर्मचारी, सरकारी तथा अर्धसरकारी संस्थाको कार्यालय तथा कर्मचारी, नेपाली सेना, नेपाल प्रहरी, सशस्त्र प्रहरी बल, राष्ट्रिय अनुसन्धान विभाग तथा तत्तत् निकायमा कार्यरत सुरक्षाकर्मी, निर्वाचनको काममा संलग्न कर्मचारी र सार्वजनिक पद धारण गरेका व्यक्तिका लागि आयोगले मंसिर १० र २१ गते हुने निर्वाचनका लागि भदौ १४ गतेदेखि निर्वाचन आचारसंहिता लागू गरेको थियो। उम्मेदवारको हकमा भने मनोनयन दर्ता गराएको मितिदेखि निर्वाचन आचारसंहिता लागू भएको थियो। रासस



लोकप्रिय समाचार
लोकप्रिय समाचार
नयाँ