-
-
-
-
काठमाडौं । स्पेनिस लिग फुटबलको यो सिजनमा बार्सिलोनाले अपराजित कीर्तिमानलाई कायमै राखेको छ ।
लिगको एक्लो अपराजित टिम बने पनि बार्सिलोनाले आइतबार राति घरेलु मैदानमै गेटाफेसंग गोलरहित बराबरीमा चित्त बुझायो ।
लियोनल मेस्सीले प्रहार गरेको बलले पोष्टको दिशा पकड्न सकेन । फिलिप्पे कौटिन्होले दुई पटक पाएको अवसर पनि खेर फाले ।
अन्य खेलमा सेभिल्लाले गिरोनालाई १–० ले, भ्यालेन्सियाले लेभान्तेलाई ३–१ ले हराउँदा सेल्टाभिगो र स्पानियोलले २–२ को बराबरी खेले ।
लिगको अंक तालिकामा २३ खेलबाट बार्सिलोनाको ५९, दोस्रो स्थानको एथलेटिको मड्रिडको ५२, तेस्रो स्थानको भ्यालेन्सियाको ४३ तथा २२ खेलबाट रियाल मड्रिड ४२ अंकसहित चौथो स्थानमा झरेको छ ।
