- सुन चाँदी दर
- विनिमय दर
- नेपाली पात्रो
- राशिफल
काठमाडौं । इंगलिस प्रिमियर लिग फुटबलमा डिफेन्डिङ च्याम्पियन चेल्सी विजयी भएको छ ।
चेल्सीले क्रिस्टल प्यालेसलाई आफ्नै मैदानमा २–१ ले हराएको हो ।
चेल्सीका लागि विलियनले गोल गरे । मार्टिन केलीले आत्मघाती गरे । क्रिस्टलका लागि इन्जुरी समयमा प्याट्रिक भान एन्होल्टले सान्त्वना गोल गरे ।
त्यस्तै म्यान्चेस्टर युनाइटेडले लिभरपुलमाथि २–१ को जित दर्ता गर्यो ।
घरेलु ओल्ड ट्राफोर्डको मैदानमा भएको खेलमा म्यान्चेस्टरका लागि १४ औं र २४ औं मिनेटमा गोल गर्दै मार्कस रसफोर्डले जिताए ।
६६ औं मिनेटमा म्यान्चेस्टरका इरिक बेलीले आत्मघाती गोल गरे ।
त्यस्तै एभर्टनले ब्राइटनलाई २–० ले, न्युकासलले साउथह्याम्पटनलाई ३–० ले, लेस्टरले वेष्टब्रोमलाई ४–१ ले, बर्नलेले वेष्टह्यामलाई ३–० ले हराउँदा स्वान्सी र हडल्सफिल्डले गोलरहित बराबरी खेले ।