- सुन चाँदी दर
- विनिमय दर
- नेपाली पात्रो
- राशिफल
काठमाडौं । रुस विश्वकप फुटबल आउन अब १६ दिनमात्र बाँकी रहँदा तयारी भने तीव्र हुन थालेको छ । अन्तर्राष्ट्रिय मैत्रिपूर्ण खेलहरु समेत हुन थालेका छन् ।
सोमबार राति भएको खेलमा उपाधि दावेदारका रुपमा हेरिएको फ्रान्सले आयरल्याण्डलाई २–० ले हरायो । फ्रान्सले पहिलो हाफमै दुवै गोल गरेको थियो । ओलिभर जिरु र नाबिल फेकिरले फ्रान्सलाई गोल दिलाए । जिरुले ४० तथा फेकिरले ४३ मिनेटमा गोल गरेका हुन् ।
फ्रान्सले विश्वकप अगाडि तयारीका लागि इटाली र अमेरिकासँग खेल्न बाँकी छ । यसपटक इटालीले विश्वकपमा स्थान बनाउन सकेन भने अमेरिकाले पनि सकेन ।
यस्तै विश्वकपमा छनौट हुन नसकेको इटालीले साउदी अरेबियासँगको मैत्रीपूर्ण खेलमा जित निकालेको छ । इटालीले साउदी अरेबियालाई २–१ ले हरायो । मारियो बालोटेलीले चार वर्षसम्म राष्ट्रिय टिममा नपरे पनि अहिले फेरि गोलमार्फत राम्रो सुरुआत गरेका छन् । रोबर्टो मान्सिनीले सम्हालेको इटालीले राम्रो खेलेको छ ।
अन्य खेलहरुमा दक्षिण कोरियाले होन्डुरसलाई २–० ले, केन्याले गुइनियालाई १–० ले, बोत्स्वानाले एंगोलालाई २–१ ले, टर्कीले इरानलाई २–१ ले, अमेरिकाले बोलिभियालाई ३–० ले हरायो ।
पोर्चुगलले ट्युनियासंग २–२ को बराबरी खेल्यो । आन्द्रे सिल्भा र जाओ मारियोले पोर्चुगललाई गोल दिलाए ।
नाइजेरिया र कंगोले १–१ ले बराबरी खेले । मेक्सिको र वेल्सले गोलरहित बराबरी खेले ।