-
-
-
-
काठमाडौं । रुस विश्वकप फुटबलका लागि डिफेन्डिङ च्याम्पियन जर्मनीले अन्तिम टोलीको घोषणा गरेको छ । प्रशिक्षक जोकिम लोले अन्तिम २३ जनाको नाम सार्वजनिक गरेका हुन् ।
तर लोले इंगलिस क्लव म्यानचेस्टर सिटीका ‘फिट एन्ड फाइन’ लेरोय सानेलाई समावेश नगर्दा अचम्मै पारेका छन् ।
साने अष्ट्रिया विरुद्धको मैत्रिपूर्ण खेलमा टिममा थिए । अष्ट्रिया विरुद्ध खेलेका निल्स पेटेरसन पनि अन्तिम टोलीमा अटेनन् । त्यसैगरी गोलकिपर बेर्न्ड लेनो र जोनाथन टाह पनि रुस जाने टोलीमा सामेल छैनन् ।
को को परे टिममा ?
गोलकिपर – म्यानुयल नोया, मार्क आन्द्रे टेर स्टेघन
डिफेन्डर – म्याट हमेल्स, जोसुवा किमिच, एन्टोनियो रुडिगर, निक्लास सुले, माथियास गिन्टर, जेरोम बोअेटाङ, मार्भिन प्लाटेनहार्ड्ट, जोनास हेक्टर
मिडफिल्डर तथा फरवार्ड – जुलियन ब्रान्ड्ट, जुलियन ड्राक्सलर, सामि खेडिरा, टोनी क्रुस, टिमो वेर्नर, इक्ले गुन्डोगन, मारियो गोमेज, लियोन गोरेट्जका, मेसुट ओजिल, थोमस मुलर, मार्को रोयस, सेबास्टियन रुडि
