- सुन चाँदी दर
- विनिमय दर
- नेपाली पात्रो
- राशिफल
काठमाडौं । पोर्चुगलका स्ट्राइकर क्रिस्टियानो रोनाल्डो स्पेनिस क्लव रियाल मड्रिडलाई उपाधि जिताएसँगै पहिलोपटक पोर्चुगलको टोलीमा समावेश भएका छन् । उनले सोमबारबाट पोर्चुगलको टोलीमा आफ्नो अभ्यास सुरु गरेका हुन् ।
च्याम्पियन्स लिगमा जित हासिल गरेसँगै गएको एक साता उनी आफ्नी प्रेमिकासँग घुम्न गएका थिए । ३३ वर्षीय खेलाडीले आफ्नो चौथो विश्वकपका लागि सोमबारबाट अभ्यासको सुरु गरेका हुन् ।
रुसको लिस्बेनमा हुने अल्जेरियासँगको मैत्रीपूर्ण खेलमा भने उनी सहभागी हुनेछन् । इंगलिस क्लव लिभरपुलसँगको खेलमा जित हासिल गर्दै रियाल मड्रिडलाई च्याम्पियन्स लिगको उपाधि जिताएपछि रोनाल्डो केही समय बिदामा बसेका थिए ।
विहीबार पोर्चुगलले अल्जेरियासँग खेल्दैछ । रोनाल्डोले यसअघिका दुई मैत्रीपूर्ण खेलहरु भने गुमाएका थिए । पोर्चुगलले आफ्नो दुवै खेल बराबरीमा सकाएको थियो । जसको कारण पोर्चुगलको टोलीका लागि प्रदर्शनमा सुधार ल्याउनुपर्ने जरुरी रहेको विश्लेषकहरुले बताइसकेका छन् ।
यसपटकको विश्वकपमा पोर्चुगलले आफ्नो पहिलो खेल बलियो टोली स्पेनसँग खेल्नेछ । समुह बी मा रहेको पोर्चुगलले समुहका बाँकी खेलहरु मोरोक्को र इरानसँग खेल्नेछ ।