-
-
-
-
पुनर्वास । कञ्चनपुरको दक्षिणी क्षेत्रको पुनर्वास नगरपालिकाको परासनबाट प्रहरी र वन कार्यालयको संयुक्त गस्ती टोलिले १५४.३९ क्युफिट काठ बिहिवार बरामद गरेको छ ।
पुनर्वासको पुर्वी क्षेत्रमा रहेको परासन स्थित दोदा खोलाको बगरमा लुकाईछिपाई राखेको अबस्था १२ थान गोलिया सालको १५४.३९ क्युफिट काठ बरामद गरिएको ईलाका वन कार्यालयले जनाएको छ ।
सालको गोलिया काठ लुकाई राखेको भन्ने गोप्य सुचनाका आधारमा ईलाका वन कार्यालय, कुण्डा सेकटर वन कार्यालय र ईलाका प्रहरी कार्यालयको संयुक्त टोलिले बेवारिसे अबस्थामा काठ बरामद गरेको जनाएको छ ।
बरामद गरिएको काठ कसले कहाँ बाट ल्याएर लुकाइराखेको हो सो बारे अनुसन्धान भइ रहेको ईलाका वन कार्यालय त्रिभुवनबस्तीका प्रमुख रेशमलाल शर्मा ले बताए ।
