चरिकोट। दोलखा सुनखानीका भुबन शिवाकोटी चौघरेको ‘नखोस मेरा यादहरु’ नामक आधुनिक गीति संग्रह सदरमुकाम चरिकोटमा एक कार्यक्रमकाबीच लोकार्पण गरिएको छ ।
सोमबार भिमेश्वर नगरपालिकाका मेयर भरतबहादुर केसीले शिवाकोटीको पाँच वटा गीत रहेको एल्बमको लोकार्पण गरेका छन् । लोकार्पण कार्यक्रममा सहायक प्रमुख जिल्ला अधिकारी सुरेश आचार्य, नेपाल पत्रकार महासंघका पुर्ब केन्द्रिय सदस्य चिरञ्जीबि मास्के, गीतकार शिवाकोटी लगायतले गीतका बारेमा आफ्नो धारणा राखेका थिए ।
बिष्णुलक्ष्मी साहित्यिक पुरस्कार समितिको आयोजनामा रहेको कार्यक्रममा दोलखाका चार वटा स्थानिय रेडियोहरु मिडिया पार्टनरको रुपमा रहेका थिए । बिष्णुलक्ष्मी साहित्यिक पुरस्कार समितिका अध्यक्ष बिष्णु सुबेदीको अध्यक्षतामा भएको कार्यक्रममा दोलखाका साहित्यकार पत्रकार लगायतको उपस्थिति रहेको थियो ।
संग्रहमा शिवाकोटीका नखोस मेरा यादहरु, नेरोई बस्छु भन्थें मत, तिमिलाई जति माया, किन हुन्छ त्यसै उज्यालो,मेरो अनिदो रातमा भन्ने पाँच वटा गीतहरु रहेको शिवाकोटीले बताए ।
संग्रहको निर्माता सुनिता शिवाकोटी, एरेन्जर राम कार्की रेकडिस्ट मिक्सिङ समिर कार्कीले गरेका छन् ।
