arrow

पाकिस्तानमा पूर्व क्रिकेटर इमरान खानले सरकार बनाउने

logo
प्रकाशित २०७५ साउन १० बिहिबार
imran-khan1.jpg

काठमाडौं । पाकिस्तानको आमनिर्वाचनबाट पूर्व क्रिकेटर इमरान खानको पार्टी तहरिक–ए–एन्साफ (पीटीआइ) ले सरकार बनाउने सम्भावना बढेको छ । पीटीआइले ४७ प्रतिशत भोट गणना हुँदा ११३ सीटमा अग्रता लिएको छ । 

नवाज सरिफको पार्टी पाकिस्तान मुस्लिम लिग ६४ सीटमा अगाडि छ भने बेरेजिर भुट्टोको पार्टी पीपीपी ४३ सिटमा अगाडि रहेको छ । 

स्पष्ट बहुमतका लागि १३७ सिट जित्नुपर्नेछ । २७२ सिटका लागि मतदान भएको हो । पाकिस्तानमा प्रतिनिधिसभा अर्थात संसद्को तल्लो सदन ३४२ सदस्यीय रहेको छ भने त्यसमध्ये २७२ स्थान प्रत्यक्ष निर्वाचित, ६० स्थान महिला आरक्षित र १० स्थान धार्मिक अल्पसंख्यकका लागि छुट्याइएको छ । प्रतिनिधिसभाको लागि तीन हजार ४५९ जना उम्मेदवार रहेका छन् 

यसैगरी खैबर पाख्तुनख्वा, पञ्जाव, बलुचिस्तान र सिन्ध प्रान्तको प्रान्तीयसभाका लागि ५७७ सिट रहेको र आठ हजार ३९६ उम्मेदवार रहेका छन् । 

यस निर्वाचनका लागि करिब १० करोड ६० लाख मतदाताले आफ्नो नाम निर्वाचन आयोगमा दर्ता गराएकोमा करिब छ करोड पुरुष रहेको जनाइएको छ । 

जनसंख्याका हिसाबले दक्षिण एसियाको दोस्रो ठूलो देशका रूपमा रहेको पाकिस्तानको यस पटकको निर्वाचनलाई महत्वका साथ हेरिएको छ । 

यस निर्वाचनको पूर्वसन्ध्यामा यहाँको सत्तारुढ दल नेशनल मुस्लिम लिगका नेता एवं पूर्वप्रधानमन्त्री नवाज शरिफलाई भ्रष्टाचारको अभियोगमा जेल सजाय सुनाइएको छ । 

निर्वाचनको मुखैमा आएर उनलाई दश वर्षको जेल सजाय सुनाइएपछि यहाँको निर्वाचनमा प्रजातान्त्रिक दलहरूको सहभागिता र स्वस्थ एवं निस्पक्ष निर्वाचनका विषयमा आशङ्का पनि उत्पन्न भएको छ । 

मतगणना भने ढिलोगतिमा भइरहेको भन्दै निर्वाचन आयोगले आलोचना खेपिरहेको छ । चुनावमा धाँधलीसमेत भएको भन्दै आक्रोशसमेत पोखिएको छ । 

यो निर्वाचन भने हिंसायुक्त भयो । बुधबार चुनावकै दिनमात्र ३५ जनाको ज्यान गएको थियो । सयौं घाइते भएका थिए ।  



लोकप्रिय समाचार
लोकप्रिय समाचार
नयाँ