-
-
-
-
काठमाडौं । बंगलादेशमा जारी साफ च्याम्पियनसिप फुटबलको सेमिफाइनलबाटै बाहिरिएको नेपाली फुटबल टोली बिहीबार बिहान काठमाडौं फर्कदैछ ।
बुधबार भएको सेमिफाइनलमा माल्दिभ्ससंग ३–० को हार बेहोरेपछि नेपाल बिहीबार बिहान ११ः३० बजे त्रिभुवन अन्तर्राष्ट्रिय विमानस्थल आईपुग्ने अखिल नेपाल फुटबल संघ एन्फाले जनाएको छ ।
नेपाल अहिलेसम्म फाइनलमा पुग्न सकेको छैन । यसअघि चार पटकसम्म सेमिफाइनलमा पुगेर नेपाल गुल्टिएको थियो ।
सेमिफाइनलमा नेपालले समूह चरणमा श्रीलंका र भारतमाथि एक गोल पनि नगरेको माल्दिभ्ससंग भोगेको हारलाई भने बिर्सनयोग्य प्रदर्शनका रुपमा लिइएको छ ।
नेपालले समूह चरणमा भुटानलाई ४–० ले र बंगलादेशलाई २–० ले हराएको थियो भने पाकिस्तानसंग अन्तिम मिनेटमा सिल्लिगोल खाँदा २–१ को पराजय भोग्न वाध्य भएको थियो ।
साफ च्याम्पियनसिपको फाइनलमा भने भारत र माल्दिभ्स भिड्ने छन् ।
