- सुन चाँदी दर
- विनिमय दर
- नेपाली पात्रो
- राशिफल
काठमाडौं । ब्राजिलियन फुटबल स्टार नेयमारको टिम नेइमारले गोल गरेरै पनि ब्यवसायिक फुटबलमा पेरिस सेन्ट–जर्मेन पिएसजीलाई बचाउन सकेनन् । नेयमारको पिएसजी फ्रेन्च लिग कपबाट अप्रत्यासित रुपमा बाहिरिएको हो ।
फ्रेन्च लिग वानको लिग लिडर पिएसजी लिग वानको पुछारमा रहेको गुइनगाम्पसँग २–१ गोल अन्तर पराजित भएर लिग कपबाट बाहिरिएको हो ।
डिफेन्डिङ च्याम्पियन पिएसजीले घरेलु मैदानमा खेलेको खेलमा पराजित भएसंग क्वार्टरफाइनलबाटै बाहिरिनु परेको हो ।
६२ औँ मिनेटमा नेइमारले गोल गर्दै पिएसजीलाई अग्रता दिलाए पनि अन्तिम अन्तिमको १० मिनेट सम्हालिन नसकेपछि हारकै सामना गर्नुपर्यो ।
खेल अवधिमा तीन वटा पेनाल्टी हान्ने अवसर पाएको गुइनगाम्पले एउटालाई भने गोलमा परिणत गर्न सकेन ।
८१ औँ मिनेटमा पेनाल्टीमा यानी एनग्बाकोटोले गोल गरे । यस्तै इन्जुरी समयको तेस्रो मिनेटमा पाएको पेनाल्टीमा मार्कस थुरामले विजयी गोल गरे ।
गुइनगाम्पका मार्कस थुरामले भने नेइमारले गोल गर्नुअघि पाएको पेनाल्टीलाई गोलमा परिणत गर्न सकेका थिएनन् ।
तनावमा खेलेपछि अन्त्यतिर नेइमारले पहेंलो कार्ड खान पुगेका थिए ।
फ्रेन्च हिरो पिएसजीका केलियन एम्बाप्पेलाई खेलका क्रममा गुइनगाम्पका गोलकिपर कार्लजोहन जोन्सनले घुँडाले गालामै हानेका थिए । बल हान्ने र बचाउने क्रममा उनीहरु आपसमा ठोक्किएका हुन् ।
यस्तै लिग वानमा रेलिगेशनबाट जोगिन संघर्ष गरिरहेको थिएरी अन्रीको क्लब मोनाको पनि सेमिफाइनलमा पुगेको छ । बुधबार राति नै भएको खेलमा मोनाकोले रेनिसमाथि संघर्षपूर्ण जित निकालेर सेमिफाइनलमा पुगेको हो ।
प्रतिस्पर्धात्मक खेलमा निर्धारित समयमा १–१ को बराबरी भएपछि पेनाल्टी सुटआउटमा मोनाको ८–७ ले विजयी भएको हो ।