- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग ला लिगा क्लब रियाल मड्रिडका खेलाडी सर्जियो रामोसले एक सयौं गोल गरेका छन् । स्पेनिश कोपा डेल रे फुटबलको अन्तिम १६ को पहिलो लेगमा लेगनेसविरुद्ध गोल गर्दै रामोसले सय गोल पूरा गरेका हुन् ।
घरेलु मैदानमा बुधबार राति भएको खेलमा रियालले लेगनेसलाई ३–० गोल अन्तरले हरायो । रामोसले ४४ औँ मिनेटमा पाएको पेनाल्टीलाई गोलमा परिणत गरेका हुन् । रामोसको यो खेल जीवनकै सयौं गोल हो ।
रियाललाई जिताउन लुकास भाज्क्वेजले ६८ औं मिनेटमा र माइसो डी ओलिभेर जुनियरले ७७ औँ मिनेटमा गोल गरेका थिए ।
कोपा डेल रेका अन्य खेलमा एथ्लेटिको मड्रिड जिरोनासँग १–१ को तथा भिल्लारियल स्पानियोलसंग २–२ को बराबरीमा रोकियो । गेटाफेले रियाल भल्लाडोलिडलाई १–० ले हरायो ।