- सुन चाँदी दर
- विनिमय दर
- नेपाली पात्रो
- राशिफल
काठमाडौं । म्यानचेस्टर सिटीले इंगलिश प्रिमियर लिग फुटबलको यस सिजनको उपाधि जित्ने लक्षण ल्याएको छ । पूर्व विजेता चेल्सीमाथि घरेलु मैदानमा आइतबार राति ६–० को फराकिलो जित हासिल गर्दै सिटीले उपाधि कुम्ल्याउने लक्षण ल्याएको हो ।
दोस्रो स्थानको लिभरपुलभन्दा एक खेल बढी खेलेर समान ६५ अंकसहित गोलअन्तरका आधारमा सिटी शीर्ष स्थानमा उक्लेको छ ।
आकर्षक फर्ममा रहेको सिटी निरन्तर सफल हुँदै जाँदा लिभरपुलले कुनै पनि खेल हार्दा उपाधिबाट चुक्न सक्छ ।
घरेलु मैदानमा सर्जियो अगुएरोले ह्याट्रिक गरेपछि सिटीको जित सहज बनेको थियो । टोलीका लागि रहिम स्ट्रलिङले २ र इल्क्ये गुन्डुगानले १ गोल गरे ।
स्ट्रलिङले चौथो मिनेटमा गोल गर्दै अग्रता दिलाएको खेलको पहिलो हाफमै सिटीले ४–० को अग्रता लिएको थियो ।
अगुएरोले १३ औं र १९ औं तथा गुन्डागानले २५ औं मिनेटमा गोल गरे । अगुएरोले ५६ औं मिनेटमा गोल गर्दै ह्याट्रिक पुरा गरे । स्ट्रलिङले ८० औं मिनेटमा अर्को गोल थपेका थिए ।
लिगमा तेस्रो स्थानको टोटेनह्यामको ६० अंक छ । टोटेनह्यामले आइतबार राति नै लेस्टर सिटीलाई ३–१ ले हराएको थियो ।
चौथो स्थानको म्यानचेस्टर युनाइटेडको ५१ अंक छ ।पाँचौं स्थानको आर्सनल र छैटौं स्थानको चेल्सीको समान ५० अंक छ ।