- सुन चाँदी दर
- विनिमय दर
- नेपाली पात्रो
- राशिफल
काठमाडौं । स्पेनिश लिग ला लिगा फुटबलको उपाधि बार्सिलोनाले जितेको छ । शनिबार राति भएको खेलमा लेभान्तेलाई १–० गोल अन्तरले पराजित गदै बार्सिलोनाले उपाधि चुमेको हो ।
बार्सिलोनाले तीन खेलअघि नै गोल गर्ने क्रममा नायक फेरि लियोनल मेस्सी नै बनेका छन् । नोउ क्याम्पको घरेलु मैदानमा बार्सिलानालाई जिताउन मेस्सीले ६२ औँ मिनेटमा गोल गरेका हुन् ।
खेल जित्न बार्सिलोनाले घरेलु मैदानमा ९१९१७ दर्शकको बीचमा निकै संघर्ष गरेको देखियो । मेस्सी दोस्रो हाफमा मात्र मैदानमा छिरेका थिए ।
बार्सिलोनाका खेलाडीहरुको १६ औं प्रयासमा मात्र गोल भएको हो ।
यो उपाधि बार्सिलोनाले २६ औँ पटक जितेको हो । ला लिगा इतिहासमा सबैभन्दा बढी रियाल मड्रिडले ३३ पटक जितेको छ ।
मेस्सीले बार्सिलोनाबाट यस्तो राखे कीर्तिमान
बार्सिलोनाले पछिल्लो ११ वर्षमा ८ वटा उपाधि जितेको छ । त्यसमा मेस्सीको नाममा १० औँ उपाधि रहेको छ । यो उनको नाममा बनेको कीर्तिमान हो ।
मेस्सीले यो सिजनमा ला लिगामा ३४ गोल गरिसकेका छन् । उनी सर्वाधिक गोलकर्ता पनि हुन् ।
शनिबार रातिका अन्य खेलहरु
एथ्लेटिको मड्रिड१–० ले रियाल भल्लाडोलिड
एथलेटिको बिलबाओ १–१ डेपोर्टिभो एलाभेस
लेगनेस ०–० सेल्टा भिगो ।
अंक तालिका
बार्सिलोनाको ३५ खेलबाट ८३ अंक भएको छ । दोस्रो स्थानको एथलेटिको मड्रिडको ७४ अंक छ । तेस्रो स्थानको रियाल मड्रिडको ६५ अंक छ ।
चौथो स्थानको गेटाफेको ५५, पाँचौं स्थानको सेभियाको ५५ र छैटौं स्थानको भ्यालेन्सियाको ५२ अंक छ ।
गिरोना, हुएस्का र रायो भाएकानो रेलिगेशन क्षेत्रमा रहे पनि अहिलेसम्म रेलिगेशनमा पर्ने टिमको टुंगो लागेको छैन ।