कांग्रेस जागरणको अर्थ र लुकेको स्वार्थ 

मोतीलाल भण्डारी  प्रकाशित मिति : २०७६ बैशाख ३० सोमबार

मध्ययुगिन अन्धकारबाट मानव सभ्यतालाई नवयुगमा प्रवेश गराउनका लागि पुनः जागरणको आन्दोलनले युरोपमा ठूलो भूमिका खेल्यो, संसार आधुनिक युगमा प्रवेश भईरहदा नेपाल भने अन्धकारमा रुमल्लिएको थियो । जब नेपालमा बी.पी. कोइरालाको जन्म पछि राजनीतिमा उदय र नेपाली जनताको अधिकारका लागि जागृत हुुँदै गएको चेतनाका कारण २००३ साल कार्तिक १५ गते वि.पी. कोइरालाको नेतृत्वमा अखिल नेपला राष्ट्रिय कांग्रेस स्थापना भयो । 

त्यतिबेलाको क्रुर र जरजर  निरकुंश तानाशाह राणाको अन्त्य र प्रजातन्त्र प्राप्तीको उद्देश्य बोकेर नेपाली राष्ट्रिय कांग्रेस र  नेपाल प्रजातन्त्र कांग्रेस बीच एकीकरण भई २००६ साल चैत्र १४ गते बी.पी.को नेतृत्वमा नेपाली कांग्रेस गठन भयो । यसको उद्देश्य निरंकुश राणा शानको अन्त्य र प्रजातन्त्रको स्थापना थियो । यसको लक्ष्य संकल्प जनतालाई अधिकार सम्पन्न बनाउनु नै थियो । 

२००७ सालको जनक्रान्तिको सफल पछि नेपालमा प्रजातन्त्र स्थापना भयो । त्यसपछि प्रजातन्त्र प्राप्तीको आन्दोलनको जागरण किन नहोस् र गणतन्त्र स्थापनार्थको जागरण अभियान जनतास“ग मिलेर गरेको आन्दोलनले  उद्देश्य प्राप्तीमा पुर्याएको थियो । जुन पवित्र उद्देश्य बोकेर गरिएको थियो । त्यसकारण सबै परिवर्तन नेपाली कांग्रेसको नेतृत्वमा  सफल र सम्पन्न भयो । 

तर यतिखेर कांग्रेस आफैमा अल्मलिएको छ, दिशाविहिन छ, लक्ष्य विहिन छ । जागरण आफैंमा राम्रो काम हो तर यसको उद्देश्य पार्टीलाई आगामी महाधिवेशन र आम निर्वाचन मात्रै हैन । देश द्रुत गतिमा विकास, सुख, शान्ति, समृद्धि र स्थायित्वको लक्ष्य र संकल्प सहित जनतामा प्रस्तुत हुनु पथ्र्याे । 

पार्टी संगठनभित्रका आन्तरिक मामिला झमेला मिलाएर मात्र जागरणमा जानु पथ्र्याे । यदि हामी शोषण विहिन र उन्नत समाज निर्माणको लागि संगठित र क्रियाशील भएका हौं भने उन्नत र सुन्दर समाजको प्रतिबिम्ब सर्वप्रथम स्वयम् आफू र आङ्खनो पार्टीभित्र बन्नु पर्छ । देशमा विशिष्ट परिस्थितिमा हाम्रो मुख्य कार्यभार पत्ता नलगाई पार्टी नेतृत्वको गल्तीको ढाकछोप गर्ने उद्देश्यले गरिएको कांग्रेस जागरणले तात्विक महत्व राख्दैन र जनताको आधारभूत आवश्यकता र वेथितिका काण्डहरुलाई शसक्त रुपमा नबोकीकन कांग्रेस मात्रै भनेर गरिने जागरणले जनता सामु उत्साह भर्न सकिदैन । 

कांग्रेसले आङ्खना भातृ संघ–संगठनहरुलाई लथालिङ्ग पारेर र युवा विद्यार्थीहरुलाई भूमिका विहिन बनाएर कांग्रेस बलियो बन्न सक्दैन । हाम्रो पार्टीका युवाहरुको संख्या प्रर्याप्त छ तर जिम्मेवारी छैन । भातृ संगठनहरु छन् तर तिनको संरचना छैन । विधान अनुसार संचालन भएको छैन । पहिला त आफै भित्र भएको शक्तिलाई पहिचान गरी निश्पक्ष जिम्मेवारी  बाँडफाँड हुनु पर्यो । 

अनुशासन र विधान सबैले पालना गर्नु पर्यो । मुद्दा सही उठाउनु पर्यो । तब मात्र कांग्रेस अगाडि बढ्न सक्छ । पुरानो  कुराले मात्र जनता आकर्षित गर्न सक्दैन । नविनतम विचार दृष्टिकोण सहितको संगठनले र युवाहरुले मात्र पार्टीको नयाँ जीवन भर्न सक्दछन् र अहिलेको सरकारलाई चुनौति दिन मात्र होइन की आगामी दिनमा देशमा कांग्रेसमय बनाउन सकिन्छ ।  पहिला पार्टीमा  एकता कायम हुनु पर्यो । विधानको पालना हुनु पर्यो । नेताहरुको आचरण राम्रो  हुनु पर्यो । दर्शनका गफ गर्ने, नैतिकता र आचरणमा  जे सुकै  गर्नेबाट पनि कांग्रेस जाग्रित बन्न सक्दैन । नेताहरुले आङ्खनो आनीबानी सुधारेर जनताको घरलाई आवास र सुख दुःखलाई साथी बनाउनु पर्छ । 

    जागरणमा बीपी, गणेशमान, किसुनजी, सुवर्ण शम्शेरहरुसँग प्रजातन्त्रको संकल्प थियो । गिरीजाप्रसादसँग गणतन्त्रको संकल्प थियो, सुशिल कोइरालासँग संविधानको संकल्प थियो भने अहिले तपाईसँग के संकल्प छ त ? युवालाई नेतृत्वमा ल्याउँछौं भन्ने छ कि ? जनताको आर्थिक स्तर वृद्धि गरी दक्ष युवाशत्ति पलायन रोक्छौं भन्ने छ कि ? जनतालाई सुशासन दिन्छौं भन्ने छ कि, भ्रष्टाचार रोक्छौं भन्ने छ ? 

के हो त जागरणमा तपाईँ नेताहरुको संकल्प ? सरकार तपाईले पनि चलाएकै हो यसको मूल्याङ्कन जनताले गरेकै होलान् ? के कम्युनिष्ट देशबाट उन्मूलन गर्छाै भन्ने हो या पार्टीभित्र आङ्खनैलाई डण्डा चलाउने गुट बनाउने पार्टी महाधिवेशनमा आङ्खनो पद सुरक्षित गर्नु पार्टी सुधारभन्दा पनि विगतको गल्ती ढाकछोप गरी अन्तरविरोधलाई विषयान्तर गर्ने कार्य त होइन ? जनागरणको नाममा पार्टी महाधिवेशन लम्ब्याउने मनोनित पदहरुमा आङ्खनो गुटको मान्छेहरु भर्ती केन्द्र गर्ने र भातृ संगठनहरुलाई लथालिङ्ग बनाउने त होइन ? के हो त जागरणको सन्देश काँग्रेसले नेताहरुले यसको जवाफ दिनै पर्छ । (लेखक, नेपाली कांग्रेसका युवा नेता हुन्) 
   

 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ