प्रदेश ५ ले सार्वजनिक गर्‍यो नीति तथा कार्यक्रम (पूर्णपाठ)

प्रदीप आचार्य, प्रकाशित मिति : २०७६ जेठ ९ बिहिबार

बुटवल । प्रदेश ५ सरकारले आर्थिक बर्ष २०७६-२०७७ को नीति तथा कार्यक्रम सार्बजनिक गरेको छ । नीति कार्यक्रम बिहिबार प्रदेश सभाको बैठकमा पेश भएको हो । प्रदेश सभा बैठकमा प्रदेश प्रमुख उमाकान्त झाले सरकारको नीति कार्यक्रम पेश गरे ।

सरकारको नीति कार्यक्रम पेश गर्दै उनले जनताको विकास र समृद्धिको आकांक्षालाई प्रदेश सरकारका माध्यमबाट पूरा गर्ने जिम्मेवारी सरकारको भएको बताए । संघीयताको कार्यान्वयनले नै जनताको विकास र समृद्धिको आकांक्षालाई पूरा गर्न सकिने उनको भनाइ थियो ।प्रदेश ५ सरकारले स्थिती पत्रलाई समेत आधार बनाएर प्रदेश सरकारले प्रादेशिक विकासको अवधारणा तयार गरी योजनाबद्ध विकासको बाटोमा अघि बढ्ने नीति लिएको हो ।

सरकारले अल्पकालीन, मध्यकालीन र दीर्घकालीन योजना तर्जुमागर्ने कुरालाई उच्च प्राथमिकता दिएको छ । नीति कार्यक्रममा कृषि,उद्योग,पर्यटनलाइ बिशेष महत्वमा राखिएको छ । रोजगारीका अवसरहरु सिर्जना गरी गरिबी अन्त्य गर्ने, आर्थिक र सामाजिक क्रियाकलापमा सबैको समान पहुँच सुनिश्चित गर्ने कुरालाई प्रादेशिक विकासको रणनीतिका रुपमा अवलम्वन गरिने जनाएको छ । प्रदेश न ५ समग्र विकासमा कृषि क्षेत्रको विकासलाई उच्च प्राथमिकता दिने सरकारको नीति छ । प्रदेशमा लगानी भित्राउन लगानी सम्मेलन गरिने जनाइएको छ ।

 कृषिजन्य उद्योगलाइ प्रोत्साहन गरि कृषि कल्चर ल्याण्ड बनाइने सरकारको नीति छ । प्रदेशका ३ स्थानमा माछा महोत्सव गरिने ,कृषिलाइ ब्यबसायीकरण गर्न युवा कृषि कार्यक्रम गरिने ,जग्गा बाझोे राख्न नपाइने,कृषि बन प्रबद्र्धन कार्यक्रम संचालन गरिने ,पशुबधशाला निर्माण गरिने कार्यक्रम तय भएको छ । त्यस्तैगरि शील भण्डार थप गरिने,खाद्य गोदामका लागि हरेक स्थानीय तहसंग समन्वय गरिने ,सहकारी मर्जरमा लैजाने ,सहकारी बिकास कोष निर्माण गरि सहकारीलाइ थप ब्यबस्थित गरिने जनाइएको छ ।

उद्योगलाइ प्रदेश मातहत ल्याइने,थप उद्योग संचालनका लागि आबश्यक पूर्वाधार बनाइने सरकारको नीतिमा समेटीएको छ । उद्यम कोष बनाइने र त्यसबाट युवालाइ इलम सिकाइने छ । स्वदेशी कच्चा पदार्थ र श्रमलाइ अनुदान दिने सरकारको नीति छ । ३ बषभित्र हरेक स्थानीय तहमा औद्योगिक ग्राम समेत बनाउने कार्यक्रम रहेको छ । पर्यटन बिकासका लागि बुद्ध जन्मस्थल लुम्बिनीमा ब्यापक फलफूल रोपिने र पर्यटनका नया संभाबना खोज्दै प्युठानको स्वर्गद्वारीमा केवलकार संचालन गर्ने समेत सरकारको योजना रहेको छ ।

 सरकारले प्रदेशको समृद्धिको आधार पर्यटन व्यवसायलाइ नै अघि सारेको छ भने संगै कृषि, उद्योग र पर्यटनका माध्यमबाट समग्र आर्थिक सामाजिक विकास रणनीति अवलम्वन गर्ने जनाएको छ । त्यस्तै विकास र समृद्धिका लागि सुशासन अनिवार्य तत्वका रुपमा लिइएको छ ।सुशासन प्रवर्धन गर्न र सेवा प्रवाहलाई छिटो, छरितो र सरल बनाउने उद्देश्यले सूचना प्रविधिको अधिकतम उपयोग गर्ने जनाएको छ ।

सरकारले प्राकृतिक प्रकोपका जोखिमयुक्त क्षेत्र पहिचान गरी नकारात्मक प्रभाव न्यूनीकरण गर्ने योजना तयार गरी कार्यान्वयनमा ल्याउने र प्राकृतिक प्रकोप प्रभावित नागरिकहरुलाई तत्काल राहत दिन प्रादेशिक विपद् व्यवस्थापन कोष स्थापना गरिने बताएको छ । प्रत्येक स्थानीय तहका केन्द्रहरुलाई मोटरबाटोले जोड्ने पहुंच मार्ग निर्माण कार्य अघि बढाउने सरकारको नीति छ । प्रदेश ५ लाई आर्थिक र सामाजिक रुपले समृद्ध प्रदेश बनाउने लक्ष्यका साथ सम्वृद्ध प्रदेश, खुशी जनताको लक्ष्य अघि बढाइने उल्लेख गरिएको छ । जलाधारको संरक्षणका लागि जलाधारयुक्त क्षेत्रलाइ पर्याय पर्यटन क्षेत्रको रुपमा बिकास गरिने जनाइएको छ ।

पलास्टीक मुक्त क्षेत्र बनाइने सरकारको योजना गरेको छ । शैक्षिक क्षेत्रको बिकास र गुणस्तरबृद्धिका लागि पनि प्रदेश बिश्वबिद्यालय र प्राबिधीक बिश्वबिद्यँलष्य संचालन गर्ने सरकारको नीति तथा कार्यक्रममा समेटीएको छ । बुटवलमा रहेको लुम्बिनी प्रादेशीक अस्पतालको सेवालाइ बिशीष्टकृत बनाइने सरकारको नीतिमा रहेको छ ।अबको बैठक जेठ १० गते १ बजे बस्ने छ ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ