- सुन चाँदी दर
- विनिमय दर
- नेपाली पात्रो
- राशिफल
काठमाडौं । वार्मअप क्रिकेटमा इंगल्याण्डले घरेलु मैदानमा पराजय भोगेको छ । बिहीबारदेखि इंगल्याण्डमा हुने एक दिवसीय विश्वकप क्रिकेट अघिको वार्मअपमा अष्ट्रेलियाले इंगल्याण्डलाई १२ रनले पराजित गरेको हो ।
पहिले ब्याटिङ गरेको अष्ट्रेलियाले ९ विकेटको नोक्सानीमा २९७ रन बनायो । स्टेभेन स्मिथले १०२ बलमा ११६ रन बनाए ।
ओपनर डेभिड वार्नरले ४३ रन बनाए । लियाम प्लंकेटले ४ विकेट लिए ।
जवाफमा इंगल्याण्डले ४९.३ ओभरमा अलआउट हुँदै २८५ रन मात्र बनायो । जेम्स भिन्सले सबैभन्दा बढी ६४ रन बनाए ।
कप्तान जोस् बट्लरले ३१ बलमा ५२, तथा क्रिस वोक्सले ४४ बलमा ४० रन बनाएर पनि टिमले हार्यो ।
अष्ट्रेलियाका केन रिचर्डसनले २ तथा जासन बेहरेनडोर्फले पनि २ विकेट लिए ।