- सुन चाँदी दर
- विनिमय दर
- नेपाली पात्रो
- राशिफल
काठमाडौं । युरोपा लिग फुटबलको उपाधि भिडन्त बुधबार राति हुँदैछ । अजरबैजानको बाकु ओलम्पिक रंगशालामा राति १२ः४५ बजे हुने फाइनल खेलमा दुई इंगलिश क्लबहरु चेल्सी र आर्सनल खेल्दैछन् ।
चेल्सीले सन् २०१२ मा युएफा च्याम्पियन्स लिग र सन् २०१३ को युरोपा लिग जितेको थियो । आर्सनलले भने अहिलेसम्म च्याम्पियन्स लिग र युरोपा लिग जित्न सकेको छैन ।
यो खेल जिते आर्सनल आगामी सिजनको युएफा च्याम्पियन्स लिग फुटबलका लागि छनोट हुनेछ । प्रिमियर लिगमा पाँचौ स्थानमा समेटिएको आर्सनलका लागि च्याम्पियन्स लिग खेल्ने यो मात्रै एक बाटो जिवित छ ।
कतिपय खेलाडीहरु अर्को क्लबमा जान सक्ने देखिएकाले चेल्सी र आर्सनलबीचको यो भिडन्त रोचक हुने अनुमान गरिएको छ ।
त्यो भन्दा रोचक अजरबैजानका मंगलबार रातिका सडकहरु देखिए जहाँ चेल्सी र आर्सनलका फ्यानहरु निकै मस्तमुद्रामा खुशी मनाइरहेका थिए ।
दुवै क्लबका खेलाडीहरुले मंगलबार अभ्यास पनि गरेका छन् ।
प्रिमियर लिगमा चेल्सी तेस्रो भएको थियो । सेमिफाइनलमा चेल्सीले जर्मन क्लब इन्ट्राच्ट फ्रयांकफर्टलाई हराएको थियो भने आर्सनलले स्पेनिश क्लब भ्यालेन्सियालाई हराएको थियो ।