बन्द हुँदैछन् यी चार लोकप्रिय भारतीय टीभी शो

प्रकाशित मिति : २०७६ जेठ २२ बुधबार

काठमाडौं । नेपालमा पनि भारतीय टीभी शो हेर्ने मानिसहरु उल्लेख्य संख्यामा छन् । पछिल्लो समय भने यस किसिमका शो बन्द हुने क्रम बढेको छ । यसै क्रममा केही सिरियल बन्द हुने क्रममा पनि छन् ।
यसै क्रममा निकै चर्चित रहेका ४ सिरियल बन्द हुन लागेका छन् –

१. उडान
सबैभन्दा पहिला बन्द हुन गइरहेको सिरियल हो–उडान । कलर्स च्यानलमा आउने यो लोकप्रिय शोले केही वर्षयता मानिसहरुलाई मनोरञ्जन दिँदै आएको थियो । तर, पछिल्लो समय शोको टीआरपी घटेसँगै निर्माताले यो शो बन्द गर्ने फैसला गरेका हुन् । समाचारमा बताइएअनुसार २१ जुनपछि उडान सिरियल बन्द हुनेछ ।

२. केशरी नन्दन
उडानपछि बन्द हुन गइरहेको अर्को सिरियलको नाम हो–केशरी नन्दन । यो शोको अन्तिम एपिसोड १२ जुनमा देखाइने बताइएको छ । घट्दो टीआरपीको कारण यो शोलाई ६ महीनामा नै बन्द गर्ने फैसला लिइएको हो ।

३. विष या अमृत–सितारा
कलर्समा आउने विष या अमृत–सितारा पनि बन्द हुने क्रममा छ । अदा खानले अभिनय गर्ने गरेको यो शो पनि बन्द हुने क्रममा रहेको हो । यो शो नागिन बराबरको लोकप्रिय हुन नसकेको हो । यसको स्थानमा अर्को सुपरनेचुरल शो विष प्रसारित हुनेछ । प्रोमोका अनुसार यो शो १० जुनदेखि देखाइनेछ ।

४. इश्क में मरजावां
कलर्समै आउने अर्को एक सिरियल इश्क में मरजावां भन्दा २८ जुनमा बन्द हुनेछ । यसको स्थानमा छोटी सरदारनी टीभीमा प्रसारित हुनेछ । यसअघि कलर्समा नागिन ३ पनि बन्द भएको थियो । त्यसका साथै एकता कपूरको सिरियल कसौटी जिन्दगी के २ ले पनि आशा गरिएअनुसार टीआरपी पाउन सकेको थिएन ।

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ