विश्वकप क्रिकेटमा अंकको खाता खोल्यो दक्षिण अफ्रिकाले 

प्रकाशित मिति : २०७६ जेठ २८ मंगलबार
तस्वीर – आइसीसी

काठमाडौं । इंगल्याण्डमा जारी एक दिवसीय विश्वकप क्रिकेटमा दक्षिण अफ्रिकाले लगातार तीन हारपछि चौथो खेलमा अंकको खाता खोलेको छ । दक्षिण अफ्रिका वेष्ट इण्डिजबीचको सोमबार रातिको खेल वर्षाले नतिजाविहीन भएको छ ।

GettyImages-1154970

साउथह्याम्पटनमा सोमबार वर्षाले खेल रोकिएर अगाडि नबढ्ने अवस्थामा दक्षिण अफ्रिकाले टस हारेर ब्याटिङ गर्दै ७.३ ओभरमा २ विकेटको नोक्सानीमा २९ रन जोडेको थियो ।

GettyImages-115499

ओपनिङ ब्याट्सम्यान क्विन्टन डे ककले २१ बलमा नटआउट १७ रन बनाएका थिए । हसिम अम्ला ६ र आदेन माक्रम ५ रन बनाएर आउट भएका थिए ।  

CWC19: SA v WI - Rain stops play

दुवै विकेट सेल्डन कोट्रेलले लिएका थिए । यो खेल स्थगित भएपछि दुवै टोलीले १–१ अंक बाँडेका छन् ।

Sheldon Cottrell

लगातार तीन हारपछि मात्र खेल रद्द भएपछि दक्षिण अफ्रिकाले १ अंक बटुलेको हो । वेष्ट इण्डिजले ३ खेलमा ३ अंक जोडेको छ । 

मंगलबारको खेल 
मंगलबार बंगलादेश र श्रीलंकाबीचको खेल हुँदैछ । ब्रिष्टलमा दिउँसो ३ः१५ मा हुने खेल जित्ने लक्ष्यसहित दुवै टिम मैदानमा उत्रने छन् । 

श्रीलंका ३ र बंगलादेश २ अंकमा छ । न्यूजिल्याण्ड ३ खेलबाट ६ अंकसहित शीर्ष स्थानमा छ । अफगानिस्तानले मात्र अंकको खाता खोलेको छैन । 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ