- सुन चाँदी दर
- विनिमय दर
- नेपाली पात्रो
- राशिफल
काठमाडौं । कोपा अमेरिका फुटबलमा कोलम्बियाले लगातार दोस्रो जित निकालेको छ । ब्राजिलमा जारी प्रतियोगिताको समूह चरणमा लगातार दोस्रो जित निकालेको कोलम्बियाले कतारलाई १–० गोल अन्तरले हरायो । यो जितले कोलम्बिया क्वार्टरफाइनलमा पुगेको छ ।
बिहीबार बिहान भएको खेलमा कतारलाई जिताउने क्रममा डुभान जापाटा नायक बने । जापाटाले खेलको ८६ औं मिनेटमा कोलम्बियाका लागि निर्णायक गोल गरे ।
जितसंगै समूह बी को कोलम्बियाले २ खेलबाट ६ अंक जोडेको छ । यसअघि पहिलो खेलमा कोलम्बियाले अर्जेन्टिनालाई २–० गोल अन्तरले हराएको थियो ।
सन् २०२२ को विश्वकप आयोजक कतारको यो पहिलो हार हो । पहिलो खेलमा कतारले पाराग्वेसंग २–२ गोलको बराबरी खेलेको थियो ।
समूह बी को अर्को खेलमा अर्जेन्टिना र पाराग्वे भिडिरहेका छन् । हाफटाइमसम्म अर्जेन्टिना पछाडि छ । यो खेल पाराग्वेले जिते पाराग्वे र कोलम्बिया क्वार्टरफाइनलमा पुग्नेछन् ।