- सुन चाँदी दर
- विनिमय दर
- नेपाली पात्रो
- राशिफल
काठमाडौं । सेनेगल र नाइजेरिया अफ्रिका कप अफ नेसन्स फुटबलको सेमिफाइनलमा प्रवेश गरेका छन् । बुधबार राति भएको क्वार्टरफाइनलमा बेनिनलाई १–० गोल अन्तरले पराजित गर्दै सेनेगल सेमिफाइनलमा पुगेको हो ।
सेनेगलको जितमा इड्रिस्सा गाना गूएएले ७० औं मिनेटमा निर्णायक गोल गरे । ८२ औं मिनेटमा ओलिभर भेर्डोनले रातो कार्ड पाउँदा बेनिन १० खेलाडीमा समेटिएको थियो ।
सेनेगल सन् २००६ पछि पहिलो पटक अफ्रिका कप अफ नेसन्सको सेमिफाइनलमा पुगेको हो ।
त्यस्तै दक्षिण अफ्रिकालाई हराउँदै नाइजेरिया सेमिफाइनलमा प्रवेश गरेको छ । नाइजेरिया २–१ गोल अन्तरले विजयी भएको हो ।
विलियम ट्रोस्ट एकोङ्गले खेल सकिन एक मिनेट बाँकी छँदा नाटकीय शैलीमा गोल गर्दै नाइजेरियालाई सेमिफाइनलमा पुर्याए ।
यसअघि खेलको २७ औं मिनेटमा स्यामुयल चुकेउजेले गोल गर्दै नाइजेरियालाई सुरुवाती अग्रता दिलाएका थिए ।
बोन्गनी जुंङगुले ७१ औं मिनेटमा दक्षिण अफ्रिकाका लागि बराबरी गोल फर्काएका थिए ।