-
-
-
-
काठमाडौं । भारत र वेष्ट इन्डिज बीचको पहिलो एक दिवसीय क्रिकेट खेल वर्षाले रद्द भएको छ । गुयनामा बिहीबार राति हुनुपर्ने खेल वर्षाका कारण १३ ओभर मात्र खेल्न सम्भव भएको थियो ।
पहिले ब्याटिङ गरेको वेष्ट इन्डिजले १३ ओभर खेल्दा १ विकेटको नोक्सानीमा ५४ रन बनायो ।
यो सिरिजबाट सन्यास लिने घोषणा गरेका क्रिस गेलले ३१ बलमा ४ रन मात्र बनाए । उनी कुलदिप यादवको बलमा आउट भएका हुन् ।
गेल वेष्ट इन्डिजका लागि सबैभन्दा बढी एक दिवसीय खेल्ने पहिलो खेलाडी बनेका छन् । उनले २९६ एक दिवसीय खेले ।
गेलले ब्रायन लाराको रेकर्ड तोडेका हुन् । खेलमा एभिन लुइसले नटआउट ४० र शाइ होपले नटआउट ६ रन बनाए ।
तीन खेलको सिरिजको दोस्रो खेल आइतबार हुनेछ । यसअघि टी–२० सिरिज जितेको भारत उत्साहित छ ।
