प्रधानमन्त्री ओलीलाई साइड इफेक्ट, भदौ ५ गते फेरि सिंगापुर जाने
प्रकाशित मिति : २०७६ भदौ २ सोमबार
काठमाडौं । प्रधानमन्त्री केपी शर्मा ओली यही भदौ ५ गते (बिहीबार) थप उपचारका लागि सिंगापुर जाने भएका छन् ।
करिब एक साताअघि सिंगापुरमा स्वास्थ्य उपचार गराएका फर्किएका प्रधानमन्त्री ओली ‘फलोअप’ का लागि जान लागेका हुन् ।
बालुवाटार स्रोतका अनुसार यसअघिको उपचारमा दुई साइकल औषधि चलाइएको र थप एक साइकल तीन साताको बीचमा चलाउनुपर्ने चिकित्सकको सल्लाहबमोजिम ओली सिंगापुर जान लागेका हुन् ।
चिकित्सकले सिफारिस गरेको औषधिको ‘साइड इफेक्ट’ देखिएकाले पनि प्रधानमन्त्री ओली तत्कालै सिंगापुर जानु परेको स्रोतको भनाइ छ । (नागरिक दैनिकबाट)
