मध्यप्रदेशका पूर्वमुख्यमन्त्री बाबुलाल रहेनन्, जसले उमा भारतीलाई धोका दिएका थिए 

प्रकाशित मिति : २०७६ भदौ ४ बुधबार

काठमाडौं । भारतको मध्यप्रदेशका पूर्व मुख्यमन्त्री तथा भारतीय जनता पार्टी भाजपाका वरिष्ठ नेता बाबुलाल गौरको निधन भएको छ । 

बुधबार बिहान उनको ८९ वर्षको उमेरमा निधन भएको छ । लामो समयदेखि बिरामी रहेका उनको भुपालमा रहेको एक निजी अस्पतालमा निधन भएको हो । 

उनलाई स्वासप्रश्वाससम्बन्धी समस्या थियो । उनका धेरै अंगले काम समेत गर्न छाडेका थिए । 

गौरले सन् २००४ मा उमा भारती मुख्यमन्त्रीबाट हटेपछि कुर्सी सम्हालेका थिए । 

सन् २००३ मा मध्यप्रदेशबाट विधानसभा चुनावमा उमा भारती नेतृत्वको टीम भारी बहुमतले जित्दै भाजपा १० वर्षपछि सत्तामा गएको थियो । 

तर भारती एक वर्षभित्रै कर्नाटकको हुबली शहरको अदालतले वारेन्ट जारी गरेपछि उनले पदबाट हात धोएकी थिइन् । 

१० वर्ष पुरानो काण्डमा मुछिएपछि उमा भारतीले पदबाट हात धुनु परेको थियो । उमाले बाबुलाल गौरलाई सर्त राखेर मुख्यमन्त्री बनाएकी थिइन् । 

त्यो सर्त थियो कि जब उमाले भन्नेछिन् तब उनले राजीनामा दिनेछन् । तर बाबुलाल बेइमान निक्ले । उनले गंगाजल हातमा राखेर कसम दिलाएकी थिइन् । 

उमाले १० वर्ष अघिको मामलामा क्लिन चिट पाइन् । तर बाबुलालले उमालाई दिएको वचन तोडे । राजीनामा दिन मानेनन् ।  
 

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ