सीबीआई मुख्यालयमा रात बिताए चिदम्बरमले, बिहीबार अदालतमा

प्रकाशित मिति : २०७६ भदौ ५ बिहिबार
तस्वीर – एजेन्सी

काठमाडौं । भ्रष्टाचारको आरोपमा पक्राउ परेका भारतका पूर्व अर्थमन्त्री पी चिदम्बरमले बुधबारको रात सीबीआईको मुख्यालयमा काटेका छन् । चिदम्बरमलाई उनकै निवासबाट बुधवार राति १० बजे पक्राउ गरिएको थियो । 

उनलाई पक्राउ गर्न उनको निवास पुगेका अधिकारीहरुलाई ढोका नखोलिएपछि उनीहरुले पर्खाल नाघेर घर भित्र पुगेका थिए । 

चिदम्वरमलाई पक्राउ गर्न पुगेका सीबीआईका अधिकारीहरुलाई कांग्रेस आईका कार्यकर्ताहरुले हातपात समेत गरेका थिए । उनीहरुले मिडियाका प्रतिनिधीहरुलाई पनि हातपात गरेका थिए । 

आइएनएक्स मिडिया मामलामा पक्राउ परेका कांग्रेसका वरिष्ठ नेता चिदम्बरमले दिल्ली कांग्रेस मुख्यालयमा पत्रकारसंग वार्ता गर्दै आफूलाई निर्दोष बताएका थिए । 

Image

तर दुई घण्टासम्म चलेको रस्साकस्सीपछि उनलाई सीबीआईको टिमले गिरफ्तार गरेको थियो । 

उनले पक्राउ पर्नुअघि कांग्रेस मुख्यालयमा आयोजित पत्रकार सम्मेलनमा लोकतन्त्रको मुख्य उद्धेश्य स्वतन्त्रता भएको बताउँदै संविधानको सबैभन्दा मुल्यबान अनुच्छेद २१ रहेको र यसले जीवन र स्वतन्त्रताको ग्यारेन्टी दिने बुझाएका थिए । 

उनले भनेका थिए, ‘यदि मलाई जीवन र स्वतन्त्रताको बीचमा मलाई एक छान्न लगाए म स्वतन्त्रता चुन्छु ।’

उनले पछिल्लो २४ घण्टामा आफूलाई धेरै भएको र यसमा कसैले चिन्ता जनाएको  र कसैलाई भ्रम भएको भन्दै आईएनएक्स मिडिया मामिलामा आफूलाई कुनै पनि आपराधिक आरोप नलगाएको बताए । 

उनले भने, ‘कुनै ईडी या सीबीआईले अदालतमा मुद्दा दायर भएको छैन तर मलाई फसाइएको छ ।’

चिदम्बरमलाई बिहीबार अदालतमा उभ्याइँदैछ । ३०५ करोड घुस लिएको आरोप

ईआइसिटी नेपाल प्रालिद्धारा संचालित हाम्राकुरा डटकममा प्रकाशित कुनै पनि सामाग्री ईआइसिटी नेपालको पूर्व जानकारी विना हुवहु एवं आंशिक रुपमा समेत कपी गरि प्रकाशन गर्नु दण्डनीय छ। यस किसिमका कार्य गर्ने उपर ईआइसिटी नेपाल कानुनी उपचार खोज्न बाध्य हुने भएकाले सम्बन्धित सवैलाई सचेत हुन जानकारी गराइन्छ।

नयाँ