- सुन चाँदी दर
- विनिमय दर
- नेपाली पात्रो
- राशिफल
काठमाडौं । युरो कप छनोट फुटबलमा इंगल्याण्डले लगातार तेस्रो जित निकालेको छ । ३ खेलबाट ९ अंक निकालेको इंगल्याण्डले शनिबार राति भएको खेलमा बुल्गेरियालाई ४–० गोल अन्तरको फराकिलो जित निकालेको हो ।
कप्तान ह्यारी केनले ह्याट्रिक गरे । यस्तै रहिम स्ट्रर्लिङले एक गोल गरे ।
वेम्बलीको घरेलु मैदानमा खेलेको इंगल्याण्डले २४ औं मिनेटमा केनको गोलबाट खाता खोल्यो । ४९ औं मिनेटमा पेनाल्टीमार्फत केनले व्यक्तिगत दोस्रो गोल गरे ।
५५ औं मिनेटमा स्ट्रर्लिङले गोल गर्दै ३–० को स्थितिमा पुर्याए । र ७३ औं मिनेटमा केनले पेनाल्टीबाटै गोल गरेर ह्याट्रिक पूरा गरे ।
इंगल्याण्ड रहेको समूह ए को अर्को खेलमा शनिबार राति कोसोभोले चेक रिपब्लिकलाई २–१ गोल अन्तरले हरायो ।
३ खेलबाट ९ अंकको इंगल्याण्ड अंक तालिकामा शीर्ष, ४ खेलबाट ८ अंकको कोसोभो दोस्रो, ६ अंकको चेक रिपब्लिक तेस्रो स्थानमा छ । मोन्टेनेग्रो र बुल्गेरियाको २–२ अंक रहेको छ ।
शीर्ष दुई टिममात्र अर्को चरणमा पुग्नेछन् ।