-
-
-
-
घरसँगै जोडिएको गोठ
मलको थुप्रोको साग
खेतको लहलह धान
खोलाको निरन्तर संगित
फलैंचामा पलेटी
टपरीमा मासु चिउरा
खल्पिको अचार
वाह दशैं ।
देऊरालीमा लठारे पिङ
नानीहरुको पहिलो पालो
युवा युवतीको दोहोरो मच्चाई
अगुवाहरुको पनि चचहुई
सितल बतास
मीठो पिरती
वाह दशैं ।
वेटरीको कालोले पोतिएको झ्याल ढोकाहरु
रातो माटो र कमेरोले लिपिएका भित्ताहरु
नयाँ नानामा सजिएका वस्तिहरु
तिक्तता बिर्षिएका मनहरु
भ्याई नभ्याई आतिथ्यहरु
लाला बाला सहित भेटिएका
अपूर्ण प्रेमहरु
शुभकामनाका लहरहरु
चन्चल अनि मीठो शुवासहरु
वाह दशैं ।
नीलो आकाशको सितलता मुनी
पारीलो घामको ताप बोकेर
मखमली, सयपत्रीले सजिएका आँगनहरु
तरल संगै बहेका मनहरु
उमेर अनुसारका योजनाहरु
पुस्तौं पुस्ताका अनुभवहरु
आत्मीय आशिर्वादहरु
वाह दशैं ।
