आफ्नो कामलाई ब्यबस्थित गर्नका लागि यसले दुर्इ दुई बर्षमा दुई बर्षका लागि सल्लाहकारहरु नियुक्त गर्ने क्रममा २०१९–२१ का लागि बारवन साउथ वेष्ट रिजनको प्रतिनिधित्व हुने गरी जिलोङ निवासी ज्ञानेन्द्र उप्रेतीलाई नियुक्त गरेको छ ।
‘आफ्ना कामको अनुभवको आधारमा नेपाल र नेपालीको प्रतिष्ठा उचो राख्ने गरी पदीय दायित्वलाई निर्बाह गर्दै उल्लेखनिय उपलब्धीका साथ आफ्नो कार्यकाल पुरा गर्न सफलता मिलोस् हार्दिक शुभेच्छा !!’ लुम्बिनी–कपिलवस्तु विश्व अभियानका विश्व संयोजक रामकुमार श्रेष्ठले आफ्नो फेसबुक मार्फत उप्रेतीलाई बधाई दिने क्रममा लेखेका छन् ।
सोसियल वर्क्समा मस्टर्स र अन्तराष्ट्रिय बिकासमा ग्राजुएट डिप्लोमा गरेका उप्रेतीले युनाइटेद अरब एमिरेटसमा जिइसिओमा बिजिनेस डेभलपमेण्ट मैनेजर, कम्युनिटी इन्फरमेशन एण्ड सपोर्ट भिक्टोरियामा प्रोजेक्ट अफिसर, दि साल्भेसन आर्मी भिक्टोरिया एन्ड सेण्ट जोन अफ गड हस्पिटलमा सोसियल वर्कर, अस्ट्रेलियाको भिक्टोरियाको रेडक्रसमा केस मैनेजरको अनुभब बटुल्नुका साथै जिलोङमा हुने बिभिन्न पाको फेस्टा, भिजिट नेपाल जस्ता गतिबिधिहरुमा पनि सकृय छन् ।
बहुसांस्कृतिक देशको रुपमा परिचित अस्ट्रेलियाको भिक्टोरिया राज्य पनि विश्वभरका देशका नागरिकको साझा घरको रुपमा मानिन्छ ।
भिक्टोरिया राज्य सरकारले यसभित्र बसोबास गर्ने सबै देशका महत्वपूर्ण चाड पर्ब मनाउन र तिनीहरुको संरक्षण र प्रबर्द्धन गरी सबैलाई एकताबद्ध गरी अगाडि बढ्न भिक्टोरियन बहुसांस्कृतिक आयोग मार्फत काम गर्ने गर्छ ।
