- सुन चाँदी दर
- विनिमय दर
- नेपाली पात्रो
- राशिफल
काठमाडौं । सामाजिक सञ्जाल ट्वीटरले हलचल मच्याउने गरी निर्णय गरेको छ । ट्वीटरले राजनीतिक विज्ञापनलाई पूर्ण रुपले प्रतिबन्ध लगाउने निर्णय गरेसंगै हलचल मच्चिएको हो । ।
ट्वीटरका सीइओ ज्याक डोर्सीले ट्वीटरलाई राजनीतिक विज्ञापनको माध्यम बन्न नदिने बताएका छन् ।
उनले इन्टरनेटमार्फत गरिने विज्ञापन निकै प्रभावककारी हुने र यो व्यापारका लागि ठीक भए पनि राजनीतिमा यसले ठूलो जोखिम ल्याउने तर्क गर्दै अब यस्तो गर्न नदिने बताएका हुन् ।
विकसित मुलुकहरुले सामाजिक संजाललाई प्रचारप्रसारको मुख्य हतियार बनाउँदै आएका छन् । अमेरिकी राष्ट्रपति डोनाल्ड ट्रम्पले ट्वीटरमार्फत नै आफ्ना निर्णयहरु सार्वजनिक गर्छन् ।
अमेरिकामा निर्वाचन आउँदै गर्दा ट्वीटरले गरेको निर्णयले ठूलो धक्का पुग्ने अनुमान हुन थालेको छ । ट्रम्पका चुनावी प्रचार प्रमुख ब्रेड पास्कलले ट्वीटरको निर्णय राष्ट्रपति ट्रम्प र कन्जरभेटिभ पार्टीलाई कमजोर गराउने निर्णय भएको आरोप लगाएका छन् । अमेरिकामा चुनावको प्रचारप्रसार सुरु भइसकेको छ ।
यो प्रतिबन्ध आगामी नोभेम्बर २२ देखि कार्यान्वयनमा आउने बताइएको छ ।
अर्को सामाजिक संजाल फेसबुकले भने राजनीतिक विज्ञापनलाई बन्द नगर्ने घोषणा गरिसकेको छ ।