arrow

हेटौंडामा नेपाल भारत मैत्री पोलिटेक्निकको शिलान्यास

भारत सरकारको ६१.६४ करोड अनुदान सहयोगमा निर्माण हुँदै

logo
प्रकाशित २०७६ कार्तिक २० बुधबार
hetauda-politechinque-india-support.jpg

काठमाडौं। प्रदेश नं ३ का माननीय मुख्यमन्त्री डोरमणि पौडेल र भारतीय राजदूतवासका कार्यवाहक राजदुत डा अजय कुमारले मकवानपुर जिल्लाको हेटौंडामा अवस्थित नेपाल–भारत मैत्री पोलिटेक्निक परियोजनाको संयुक्त रुपमा शिलान्यास गरेका छन्। 

कार्यक्रममा प्रदेश नं ३ का सामाजिक विकास मन्त्री युवराज दुलाल, प्रदेश नं ३ का आर्थिक मामिला मन्त्री कैलाश ढुङ्गेल, प्राविधिक शिक्षा तथा व्यवसायिक तालिम परिषद (सीटिइभिटी) का सदस्य सचिव पुष्परमण वाग्ले लगायत ६०० भन्दा बढी स्थानीय तथा विद्यार्थीहरुको उपस्थिति थियो । 

व्यवसायिक तालिमको क्षेत्रमा अत्याधुनिक पूर्वाधार परियोजनाको रुपमा रहेको यस नेपाल–भारत मैत्री पोलिटेक्निक परियोजना भारत–नेपाल विकास साझेदारी कार्यक्रम अन्तर्गत भारत सरकारको भा.रु. ३८.५३ करोड (ने.रु. ६१.६४८) अनुदान सहयोगमा निर्माण भइरहेको छ। M/s Nirman Consultants Pvt. Ltd (PMC)ले परियोजना व्यवस्थापन परामर्शदाताको रुपमा तथाM/s Telecommunications Consultants India Ltd (TCIL)ले परियोजना ठेकदारको रुपमा क्रियाशिल छन्। 

३२ एकड भन्दा बढी क्षेत्रफलमा यस पोलिटेक्निकको निर्माण भइरहेको छ । यस पोलिटेक्निक परियोजनाको कूल निर्माण क्षेत्रफल १९,२०० वर्ग मिटर रहनेछ । यस पोलिटेक्निकमा प्रशासनिक भवन, प्राज्ञिक भवन, सभाहल, पुस्तकालय, कार्यशाला एवम् बहुउद्देशीय हल, छात्र–छात्राका लागि छुट्टै होस्टल, प्रधानाध्यापक तथा कर्मचारीका लागि आवासीय भवनका साथै खेलकुल तथा समुदायका लागि विभिन्न सुविधाको व्यवस्था रहेको छ । यस परियोजना आगामी दुई वर्षभित्रमा सम्पन्न हुने अपेक्षा गरिएको छ । 

परियोजना नेपाल भारतबीच रहेको मैत्री सम्बन्धको अर्को प्रमाण हुनुका साथै व्यवसायिक तथा सीप विकासका क्षेत्रमा पूर्वाधार सुदृढिकरण गर्ने नेपाल सरकारको प्रयासमा हातेमालो गर्ने भारत सरकारको प्रतिबद्धताको रुपमा रहेको कार्यवाहक राजदुत डा अजय कुमारले बताए। 



लोकप्रिय समाचार
लोकप्रिय समाचार
नयाँ