- सुन चाँदी दर
- विनिमय दर
- नेपाली पात्रो
- राशिफल
काठमाडौं । भारतीय क्रिकेट कन्ट्रोल बोर्ड बीसीसीआईले विश्वकै सबैभन्दा महंगो इन्डियन प्रिमियर लिग क्रिकेट आइपीएलको उद्घाटन नहुने जनाएको छ ।
बीसीसीआईका अध्यक्ष सौरभ गांगुलीको नयाँ सोच अनुसार आइपीएलको उद्घाटन केबल फजुल खर्च मात्रै हो । आइपीएलको उद्घाटनका लागि छुट्टाइएको रकम कुनै राम्रो कामका लागि खर्च गरिने बीसीसीआईले जनाएको छ ।
गत फेब्रुअरीमा जम्मू–कश्मीरको पुलवामा भएको आतंकवादी हमलामा ४७ भारतीय सुरक्षाकर्मी मारिएपछि आइपीएलको उद्घाटन रद्द गरिएको थियो ।
उक्त उदघाटनको निर्धारित बजेट सुरक्षा बललाई दिइने बताइएको छ ।
बीसीसीआईका एक अधिकारीले इन्डियन एक्सप्रेसलाई दिएको जानकारी अनुसार आइपीएलको उद्घाटन यसपटक पनि हुने छैन । उक्त खर्चको रकम राम्रो काममा सघाइने छ ।
आइपीएलको उद्घाटनका लागि मात्रै झण्डै ३२ करोड रुपैयाँ खर्च हुँदै आएको छ ।