काठमाडौं । स्पेनिस लिग ला लिगा फुटबलमा लिग लिडर बार्सिलोना बराबरीमा रोकिएको छ भने रियाल मड्रिडले जित निकालेको छ ।
शनिबार राति भएको खेलमा बार्सिलोनाले लिग तालिकाको पुछारमा रहेको स्पानियोलसंग २–२ को बराबरी खेलेको हो ।
स्पानियोलको मैदानमा भएको खेलमा डभिड लोपेजले २३ औ मिनेटमा घरेलु टोलीलाई अग्रता दिलाए । लुईस स्वारेजले ५० औं मिनेटमा बार्सिलोनालाई बराबरीमा ल्याए ।
अर्टुरो भिडालले ५९ औ मिनेटमा बार्सिलोनालाई अग्रता दिलाए पनि खेल सकिन दुई मिनेट अघि उ लिले गोल गर्दै घरेलु टोलीलाई बराबरीम ल्याए ।
फ्रेन्की डी जोङ ७५ औ मिनेटमा रातो कार्ड खादै मैदानबाट बाहिरिएपछि बार्सिलोना १० खेलाडीमा सिमित बनेको थियो ।
रियाल मड्रिडले भने गेटाफेमाथि सहज ३–० गोल अन्तरको जित निकाल्यो । गेटाफेको मैदानमा रियालका लागि लुका मोड्रिच र राफेल मारानेले १–१ गोल गरे । पहिलो गोल डेभिड सोरियाको आत्मघातीबाट रियालले अग्रता लिएको थियो ।
अन्य खेलको नतिजा
सेभिया १–१ एथलेटिक बिलबाओ
भ्यालेन्सिया १–० आइबार
एथलेटिको मड्रिड २–१ लेभान्ते अंक तालिका
१९ खेलबाट बार्सिलोना र रियाल मड्रिडको समान ४० अंक भएको छ । एथलेटिको मड्रिड र सेभिया समान ३५ अंक रहेको छ । रियाल सोसिडाड र भ्यालेन्सियाको समान ३१ अंक छ ।
