-
-
-
-
काठमाडौं । थाइल्याण्डको उत्तर पूर्वी क्षेत्रस्थित नाखोन शहरमा एक सैनिकले गोली चलाउँदा २१ जनाको ज्यान गएको छ ।
घटनामा दर्जनौं घाइते भएको बताइएको छ । घटना सपिङ सेन्टर र बुद्धिष्ट मन्दिर नजिक भएको हो ।
थाइ रक्षा मन्त्रालयलाई उधृत गर्दै बीबीसीले लेखे अनुसार आफू कार्यरत ब्यारेकबाट हतियार र गोली नियन्त्रणमा लिनुअघि ती सैनिकले आफ्ना कमान्डिङ अफिसरलाई गोली हानेका थिए ।
त्यसलगत्तै सपिङ सेन्टरमा पनि उनले जथाभावी गोली प्रहार गरेको सरकारी अधिकारीहरुले जनाएका छन् ।
गोली हान्ने सैनिक अझै पनि सपिङ सेन्टरभित्रै रहेको हुन सक्ने अनुमान गरिएको छ ।
हत्याराले सामाजिक संजालमा यसको जानकारी गराए पनि यसको उद्धेश्य के हो अहिलेसम्म खुलेको छैन ।
स्वास्थ्य मन्त्रीले जानकारी दिए अनुसार ३१ जना घाइते भएका छन् । ती मध्ये १० जना गम्भीर छन् ।
