- सुन चाँदी दर
- विनिमय दर
- नेपाली पात्रो
- राशिफल
धरान । गत चैत्र ४ गते फ्रान्सबाट फर्किएकी कोरोना संक्रमित १९ वर्षीया किशोरी फर्किएको जहाजमा आएका दुई जना धरानका पनि रहेको पुष्टी भएको छ ।
पुष्टी भएससँगै धरान उपमहानगरपालिकामा धरान उपमहानगरपालिकामा आकस्मीक बैठक बसेको छ । आकस्मीक बैठकमा लकडाउनलाई कार्यन्वयन बुधवार देखि धरानमा कोही पनि मानिस बाहिर हिडडुल गर्न नदिनेबारेमा छलफल भईरहेको बताईएको छ ।
सोमबार काठमाण्डौमा कोरोना संक्रमित पुष्टी भएकी युवतीसंग एउटै प्लेनमा आएका धरान ६ र १६ का दुई व्यक्ति पनि रहेको बताईएको छ ।
उनीहरुलाई क्वारेनटाईनमा कसरी पठाउने भन्ने बारेमा उपमहानगरपालिकाको बैठकमा छलफल भईरहेको धरान उपमहानगरपालिकाका बरिष्ठ प्रशासकीय अधिकृत गणेशप्रसाद खतिवडाले जानकारी दिएका छन् ।
सरकारले कोभिड १९ कोरोना भाईरसको संक्रमणको जोखिमबाट सर्वसाधरणहरुलाई सुरक्षित राख्नका लागि आज मंगलबार देखि चैत्र १८ गते सम्म देशैभर लकडाउन जारी गरेको छ ।