arrow

नेपाल टेलिकमले लकडाउनमा ल्यायो विशेष छुट र प्याकेज योजना 

logo
प्रकाशित २०७६ चैत २० बिहिबार
nepal-telecom-building.jpg

काठमाडौं। नेपाल टेलिकमले मुलुकमा हाल कायम रहेको लकडाउनको अवस्थामा भ्वाइस तथा डाटा सेवामा विशेष महसुल दर तथा प्याकेज ल्याएको जनाएको छ। सम्बन्धी यसैसाथ संलग्न प्रेस विज्ञप्ति प्रकाशन-प्रसारण गरिदिनु हुन अनुरोध छ। सरकारले गत चैत्र १६ गते डाटा सेवामा २५ प्रतिशत छुट दिने निर्णय गरे अनुसार कम्पनीले चैत्र २० देखि २६ गतेसम्म (७ दिन) लागू हुने गरी जीएसएम मोबाइल डाटा सेवाको आधारभूत दरमा ३० प्रतिशत र सीडीएमए मोबाइल डाटा सेवाको आधारभूत दरमा २७ प्रतिशत छुटको व्यवस्था गरेको टेलिकमले जनाएको छ। 

यस अनुसार जीएसएम मोबाइल डाटा र सीडीएमए मोबाइल डाटामा प्रतिएमबी कर सहित महसुल क्रमशः ९० पैसा र ५१ पैसा लागू हुने टेलिकमले जनाएको छ। 
सेवाहरू सुपथ मूल्यमा उपलब्घ गराउने क्रममा नेपाल टेलिकमले चैत्र २० देखि २६ गतेसम्म (७ दिन) लागू हुने गरी जीएसएम सेवामा डाटा प्याक उपलव्ध गराउने निर्णय गरेको हो । सो अन्तर्गत पहिलो प्याकेजमा १ सय रुपैयामा १ जीबी डाटा खरिद गर्दा ३ जीबी बोनस स्वरुप प्राप्त हुनेछ र प्राप्त हुने बोनस कम्पनीको फोरजी नेटवर्कमा ५ दिनभित्र खपत गर्न प्रयोग गर्नु पर्नेछ। 

यसैगरी दोस्रो प्याकेजमा २ सय रुपैयामा २ जीबी डाटा खरिद गर्दा ८ जीबी डाटा बोनस स्वरूप प्राप्त हुनेछ र प्राप्त हुने बोनस कम्पनीको फोरजी नेटवर्कमा ७ दिन भित्र खपत गर्न प्रयोग गर्नु पर्नेछ । यसरी रू. १ सयमा बोनस सहित कुल ४ जीबी र रू. २ सयमा बोनस सहित कुल १० जीबी डाटा प्राप्त हुने टेलिकमले जनाएको छ ।

यसैगरी कम्पनीकै नेटवर्क भित्र भ्वाइस कल गर्न जीएसएम र सीडीएमए सेवामा हाल उपलव्ध भ्वाइस प्याक खरिद गर्दा चैत्र २० देखि २६ गतेसम्म (७ दिन) लागू हुने गरी ५० प्रतिशत छुट उपलव्ध गराउने निर्णय गरेको छ । 

सो अन्तर्गत पहिलो प्याकेजमा ४० मिनेटको भ्वाइस प्याक एक दिनका लागि रु. २५ मा खरिद गर्दा २० मिनेट बोनस उपलब्ध हुनेछ । यसैगरी दोस्रो प्याकेजमा १९० मिनेटको भ्वाइस प्याक सात दिनका लागि रु. १०० मा खरिद गर्दा ९५ मिनेट बोनस उपलब्ध हुनेछ । यसरी रु. २५ मा एक दिनका लागि बोनस सहित ६० मिनेट र रु १०० मा ७ दिनका लागि बोनस सहित २८५ मिनेटको भ्वाइस सेवा प्राप्त हुनेछ ।  

यसका अतिरिक्त कम्पनीको ल्यान्डलाइन सेवाको महसुल ढिलो भुक्तानी भएमा जरिवाना लाग्ने व्यवस्था भएकोमा गत फाल्गुन र चैत्र महिनाको महसुल वापत हुने जरिवाना नेपाल सरकारको चैत्र १६ को निर्णयकै आधारमा कम्पनीले आगामी बैशाख मसान्तसम्मको लागि मिनाहा गर्ने निर्णय पनि टेलिकमले गरेको छ । 

साथै, पूर्ण लकडाउनको अवधिमा कम्पनीका एडीएसएल र एफटीटीएच लगायत वाइम्याक्स सेवाका ग्राहकवर्गलाई सेवा निरन्तर उपलव्ध गर्न यस अवधिमा समयावधि सकिएका लाइनहरुको म्याद लकडाउन अबधिभरका लागि थप गर्ने निर्णय गरेको टेलिकमले जनाएको छ ।

नेपाल टेलिकमले देशभर रहेका आफ्ना सेवाग्राही तथा समस्त देशबासीलाई कोरोना भाइरसको महामारीले सिर्जना गरेको यस विषम परिस्थितिमा नेपाल सरकार तथा सम्बन्धित निकायहरुबाट उपलव्ध गराइएका जानकारी तथा जारी गरिएका निर्देशन बमोजिम नै आ–आफ्नो दैनिक क्रियाकलापहरू सञ्चालन गरी स्वस्थ र सुरक्षित रहन समेत अनुरोध गर्दछ ।



लोकप्रिय समाचार
लोकप्रिय समाचार
नयाँ