- सुन चाँदी दर
- विनिमय दर
- नेपाली पात्रो
- राशिफल
बेलवारी। मोरङको बेलवारी १० भाउन्नेस्थित मंगलवार विहान कानेपोखरी १ होक्लाबारीका धनराज बुढाथोकीको शव पिठारीको रुखमा झुण्डीरहेको अवस्थामा फेला परेका छन् ।
होक्लाबारीमा व्यवसाय गर्ने ५८ वर्षीय बुढाथोकी फागुन २५ गते धरानदेखी घर आँउदै गर्दा परिवारसंग फोन सम्पर्क भएको उनका छोरा महेन्द्र बुढाथोकीले बताए। उनका अनुसार त्यसपछि सम्पर्क नभएको र खोजीकार्य गर्दै जाँदा साँझ ७ बजे बुवाको मोवाईलको लोकेसन बिराटनगरमा देखाएको बताउँछन् ।
बुवाको शरिरमा रहेको केहि गरगहना र साथमा रहेको केहि पैसाको लोभमा कसैले बुवालाई हत्या गरेर झुण्डाएको हुनसक्ने छोरा महेन्द्र बताउँछन् । बुढाथोकीका २ छोरा र १ छोरी रहेका छन् ।
मंगलवार विहान घाँस दाउरा लिन जंगल गएका ब्यक्तिहरुले महेन्द्र राजमार्ग भन्दा करिव सय मिटर उत्तर रुखमा झुण्डीरहेको अवस्थामा रहेको जानकारी गराएपछि इलाका प्रहरी कार्यलय बेलवारीबाट प्रहरी गएको थियो ।
पुर्ण रुपमा सडेर अनुहार चिन्न नसकिने अवस्थामा रहेको उक्त लाश आफ्नै बेल्टमा झुण्डीएको इलाका प्रहरी बेलवारीले जनाएको छ। प्रहरीका अनुसार उनको शरिरमा भेटिएको लाईसेन्सको आधारमा शव पहिचान भएको र परिवारलाई बुझाएर पोष्टमार्टमको लागि उर्लाबारीको मंगलबारेस्थित अस्पतालमा पठाइएको प्रहरीले जनाएको छ ।