arrow

३ वर्षीय बालकमा कोरोना, घरधनीले घरभित्र पस्न नदिएपछि जाँच गर्दा संक्रमणको पुष्टि

logo
प्रकाशित २०७७ जेठ ८ बिहिबार
covid-test-corona.jpg

धादिङ । उत्तरी धादिङको गङ्गाजमुना गाउँपालिका–४ गुम्दीस्थित बुढाथुम स्वास्थ्यचौकी अनिश्चितकालका लागि सिल गरिएको छ । लमजुङका कोभिड–१९ संक्रमित तीन वर्षीय बालक ५० गुम्दीमा ५० दिन बसेर काठमाडौँ गएपछि उनी बसोबास क्षेत्र सिल गरिएको हो । स्वास्थ्यचौकी सिल गरिएसँगै सबै स्वास्थ्य सेवा बन्द गरिएको छ ।
  
संक्रमितका हजुरबुवा गुम्दी स्वास्थ्यचौकीमा कार्यरत रहेकाले उनी लमजुङको सुन्दरबजारबाट आमासहित चैत ९ गते गुम्दी आएका थिए । ५० दिन यता बसेपछि वैशाख २९ गते काठमाडौँ गएका थिए ।

 काठमाडौँमा घरधनीले कोरोना परीक्षण नगरी घरभित्र पस्न नदिएपछि कोभिड–१९ जाँच गर्दा बालकमा संक्रमण पुष्टि भएको थियो । बालकसँगै रहेकी आमालाई भने कोभिड–१९ देखिएको छैन । 

संक्रमित बालक, उनका हजुरबुवाको सम्पर्कमा आएका, गुम्दीमा उनीहरूले डेरा लिएको घरका परिवारको कन्टयाक्ट ट्रेसिङ गरी स्वाब सङ्कलन गर्न टोली खटाइएको प्रमुख जिल्ला अधिकारी असमान तामाङले बताए ।

संक्रमित रहेको कोठा वरपरका मानिस, परिवार नजिकका नातेदारको लगत सङ्कलन कार्य भइरहेको र सोको नतिजाबमोजिम स्वाब सङ्कलन र अन्य काम गरिने गङ्गाजमुना गाउँपालिका स्वास्थ्य संयोजक दीपक अधिकारीले बताए ।

 बिहीबार १७ जनाको स्वाब सङ्कलन गरिएको र उनीहरुको रिपोर्ट आएपछि मात्र यस क्षेत्रलाई नतिजाका आधारमा स्वास्थ्यचौकी सञ्चालन गरिने अधिकारीको भनाइ छ ।  



लोकप्रिय समाचार
लोकप्रिय समाचार
नयाँ