- सुन चाँदी दर
- विनिमय दर
- नेपाली पात्रो
- राशिफल
बैतडी । बैतडीमा पहिलो पटक एक जनामा कोरोना संक्रमणको पुष्टि भएको छ । जिल्ला प्रहरी कार्यालय बैतडीको हिरासतमा रहेका एक व्यक्तिमा शुक्रवार कोरोना पुष्टि भएको हो ।
जिल्लाको शिवनाथ गाउँपालिकाका २३ वर्षका युवक २२ दिनदेखि कर्तव्य ज्यान मुद्दामा अनुसन्धानका लागि जिल्ला प्रहरी कार्यालय बैतडीको हिरासतमा थिए । थुनुवामा कोरोना देखिएपछि जिल्ला प्रहरी कार्यालय बैतडी सिल गरिएको छ । साथै थुनामा रहेका युवकमा कोरोना पुष्टि भएपछि अन्यलाई समेत त्रास बढेको छ ।
गत चैत ६ गते भारतको मुम्बइबाट घर आएका २३ वर्षका युवक वैशाख १५ गतेदेखि कर्तव्य ज्यान मुद्दाको अनुसन्धानका लागि थुनामा रहेका थिए ।
युवकको ढिलो गरी भएको स्वाब परीक्षण (पीसीआर) रिपोर्टमा कोरोना पोजेटिभ देखिएपछि जिल्ला प्रहरी कार्यालय बैतडी सिल गरिएको बैतडीका प्रहरी प्रमुख प्रहरी नायव उपरीक्षक डिल्लीनारायण पाण्डेयले बताए । बैतडी संगै सुदूरपश्चिमका ५ जनामा कोरोना पुष्टी भएको छ ।