arrow

चेल्सीले म्यान्चेस्टर सिटीलाई हराउँदा लिभरपुल बन्यो ३० वर्षपछि च्याम्पियन

logo
प्रकाशित २०७७ असार १२ शुक्रबार
chelsea32.jpg

काठमाडौं । लिभरपुलले ३० वर्षपछि इंगलिश प्रिमियर लिग फुटबलको उपाधि जितेको छ । लिभरपुलले यसपालि सशक्त प्रदर्शन गर्दै ७ खेलअघि नै उपाधि जितेको हो । 

लिग अन्तर्गत बिहीबार राति भएको खेलमा दोस्रो स्थानको म्यानचेस्टर सिटी चेल्सीसँग २–१ ले पराजित भएपछि लिभरपुल च्याम्पियन बनेको हो ।

घरेलु मैदानमा चेल्सीको जितमा क्रिस्टियन पुलिसिच र विलियनले एक एक गोल गरे । सिटीका केभिन डी ब्रुयनले एक गोल फर्काए ।
यसअघि लिभरपुलले सन् १९८९–९० को सिजन प्रिमियर लिगको उपाधि जितेको थियो ।

साविक विजेतासमेत रहेको म्यान्चेस्टर सिटी ७ खेलअघि नै उपाधिबाट वंचित भएको हो । 

लिभरपुलको ८६ अंक हुँदा म्यान्चेस्टर सिटीको ६३ अंक रहेको छ । निकै सशक्त खेलेको लिभरपुलले २८ खेलमा जित निकाल्दा २ खेलमा बराबरी र एक खेलमा हार व्यहोरेको छ ।

गत सिजन लिभरपुल अन्तिम केही खेलअघिसम्म शीर्ष स्थानमा रहेर पनि म्यान्चेस्टर सिटीसंग पराजित हुँदा उपविजेतामा खुम्भिएको थियो । 

लिभरपुलले उपाधि जितेसंगै उसका समर्थकहरु खुशीले सडकमा उत्रिएका छन् । खेलाडीहरुले पनि खुशी मनाएका छन् । प्रशिक्षक योर्गेन क्लोपले पनि खुशी ब्यक्त गरेका छन् । 



लोकप्रिय समाचार
लोकप्रिय समाचार
नयाँ