एक प्रश्नले बदलियो सुष्मिताको भाग्य, मिस इन्डियामा ऐश्वर्यामाथि परिन् भारी
प्रकाशित २०७७ मंसिर ४ बिहिबार
368
Shares
काठमाडौं । सुष्मिता सेन १९ नोभेम्बरमा जन्मदिन मनाउँछिन् । १९९४ मा सुष्मिताले फेमिना मिस इण्डियाको उपाधि जितिन्। उहि वर्षमा उनी मिस युनिभर्स चुनिएकी थिइन्। त्यस समयमा उनको उमेर १८ वर्षको मात्र थियो । सुष्मिताले मिस युनिभर्सको उपाधि जित्न लामो यात्रा गर्नुपर्यो।
सुष्मिता सेन र ऐश्वर्या राय दुवैले मिस इन्डिया प्रतियोगितामा भाग लिएका थिए। प्रतियोगिता गोवामा आयोजना गरिएको थियो। दुबै मिस इण्डिया जित्ने प्रबल दावेदार थिए। सुन्दर ऐश्वर्या सुष्मिता माथि भारी परेकी थिइन्।
मिस इण्डियाको अन्तिम राउन्डमा सुष्मिता र ऐश्वर्याबीच टाई भएको थियो । सबै त्यस समय कसको शिरमा मिस इण्डियाको मुकुट हुनेछ पर्खाइमा थिए। जजले दुबैलाई ९.३ नम्बर दिएका थिए। यसपछि उनीहरूलाई एक-एक प्रश्न सोध्ने निर्णय गरियो, जसको उत्तर राम्रो हुनेछ उसैले मिस इण्डियाको उपाधि पाउने बताइयो।
यसपछि जजले ऐश्वर्या रायलाई प्रश्न सोधे, 'तपाई आफ्नो श्रीमानमा के खुबी देख्न चाहनुहुन्छ? बोल्ड र सुन्दर रिज फोरस्टर जस्तो वा मेसन क्यापवेल ।' रिज फोरस्टर र मैसन क्यापवेल दुबै हलिउड सिरिजका क्यारेक्टरहरु थिए।
यसको जवाफमा ऐश्वर्याले भनेकी थिइन्, 'मेसन। हामी दुबैमा धेरै चीजहरू समान छन्। मेसन साह्रै दयालु छ र राम्रो हेरचाह गर्छ। जो मसँग मेल खान्छ। '
अब सुष्मिता सेनसँग प्रश्न गर्ने पालो थियो। सुशलाई सोधिएको थियो, 'तपाईलाई आफ्नो देशको टेक्सटाईल विरासतको बारेमा के थाहा छ? यो कहिले सुरु भयो? तपाई के लगाउन चाहानुहुन्छ? '
यो त्यो प्रश्न थियो जुन सुष्मिता ऐश्वर्यामा भारी परिन्। उनले भनेकी थिइन्, 'मलाई लाग्छ यो महात्मा गान्धीको समयबाट शुरू भयो। यो धेरै लामो समय बितिसकेको छ। मलाई भारतीय र परम्परागत लुगा लगाउन मन पर्छ। म मेरो वार्डरोबमा भारतीय पोशाक राख्न चाहन्छु। '
