-
-
-
-
काठमाडौं । भारतीय क्रिकेट कप्तान विराट कोहली र अभिनेत्री अनुष्का शर्मा बाबु–आमा बनेका छन् । सोमबार अनुष्काले छोरी जन्माएकी हुन् ।
उनले मुम्बईको क्यान्डी अस्पतालमा छोरी पाएकी हुन् । सोमबार बिहान यो जोडी डेलिभरीका लागि अस्पताल पुगेको थियो ।
छोरी पाएको खवर विराटले सामाजिक संजालमा लेखेका हुन् । बच्ची र अनुष्काको स्वास्थ्य ठीक रहेको पनि उनले लेखेका छन् ।
उनले आफ्ना फ्यान र शुभेच्छुकलाई गोपनियताको सम्मान गर्न पनि अपिल गरेका छन् । अस्पताल स्रोतका अनुसार उनीहरुले छोरीको नाम अन्वी राखेका छन् ।
विराट र अनुष्काबीच सन् २०१३ मा डेटिङ सुरु भई ११ डिसेम्बर २०१७ मा इटालीको फ्लोरेन्समा विवाह भएको थियो ।
विवाहको ३ वर्ष १ महिनापछि छोरी जन्मिएकी हुन् । दुवै ३२ वर्षका छन् । गत अगष्टमा आफू गर्भवती भएको अनुष्काले सार्वजनिक गरेकी थिइन् ।
