संसद विघटन मुद्दाको वहसले शुक्रबार निरन्तरता पाउने

संसद विघटन मुद्दाको वहसले शुक्रबार निरन्तरता पाउने

वृहत इजलाशमा पठाइएन

प्रकाशित २०७७ पुष २९ बुधबार

काठमाडौं। सर्वोच्च अदालतमा बिचाराधिन प्रतिनिधि सभा विघटन सम्बन्धी मुद्दामा कुनै पनि निर्णय नभई शुक्रबारका लागि सरेको छ। संवैधानिक ईजलासमा भएको मुद्दा वृहत ईजलासमा पठाउने कि नपठाउने भन्ने बारे बहस भए पनि कुनै निर्णय हुन सकेन।

सो विषयमा वरिष्ठ अधिवक्ता रमण श्रेष्ठले संवैधानिक इजलासमा नभइ पूर्ण वृहत इजलासमा नै सो सुनुवाइ हुनुपर्ने धारणा राखेका थिए । तर सरकारी पक्षबाट वकालत गर्दै महान्यायाधिवक्ता अग्नी खरेलले भने पूर्ण वृहत इजलासमा लैजाने मागलाई अस्वीकार गरेका थिए ।

महान्यायाधिवक्ता खरेलले संविधानको व्याख्या गर्ने अन्तिम अधिकार सर्वोच्च अदालतलाई भएको र गम्भीर संवैधानिक प्रश्न संवैधानिक इजलासले नै न्याय निरूपण गर्ने भएकाले यताको मुद्दा अरू इजलासमा लान नमिल्ने बताएका थिए ।