-
-
-
-
काठमाडौं । अमेरिकाको ४६औं राष्ट्रपतिका रुपमा जो बाइडेनले सपथ लिएका छन् । उपराष्ट्रपति कमला ह्यारिसले पनि पद तथा गोपनियताको सपथग्रहण लिएकी छिन् ।
वासिंटन डिसीमा रहेको अमेरिकी संसद भवन क्यापिटल हिलको पश्चिम तर्फको अग्रभागमा सपथग्रहण समारोह भएको हो ।
राष्ट्रपतिका रुपमा बाइडेनले सर्वोच्च अदालतका प्रधान न्यायाधीश जोन रोबर्टसबाट बाइबललाई साक्षी राखेर सपथ लिएका हुन ।
उपराष्ट्रपतिका रुपमा कमला ह्यारिसले सर्वोच्च अदालतकी न्यायाधीस सोनिया सोटोमेयरबाट सपथ लिएकी हुन ।
सन् १९८१ मा अमेरिकी राष्ट्रपति रोनाल्ड रेगनले यही स्थानमा सपथ लिएका थिए । त्यसपछि हरेक राष्ट्रपतिले यही स्थानमा सपथग्रहण गर्दै आएका छन् ।
समारोहमा पूर्व राष्ट्रपतिहरु बिल क्लिन्टन र बराक ओबामा, बिल क्लिन्टन र हिलारी क्लिन्टन उपस्थित थिए ।
