-
-
-
-
राजकोट । भारतको राजकीय भ्रमणमा रहेकी राष्ट्रपति विद्यादेवी भण्डारीसँग भ्रमणको चौथो दिन बिहीबार प्रवासी नेपालीहरुले भेटघाट गरेका छन् ।
राष्ट्रपति रहेको होटेल इम्पेरियलमा प्रवासी नेपालीहरुले उनलाई भेटेका हुन् ।
राष्ट्रपति भण्डारीले भारतको मुख्य औद्योगिक पश्चिमी राज्य गुजरातको राजकोटस्थित औद्योगिकस्थल अवलोकन गर्दैछिन् ।
राष्ट्रपति भण्डारी यहाँस्थित गोपाल दुग्ध डेरी उद्योगको अवलोकन भ्रमणपछि दिउँसो उडिसा राज्य जाने कार्यक्रम रहेको छ ।
यसैबीच, भारतका लागि नेपाली राजदूत दीपकुमार उपाध्यायले बिहीबार बिहान भ्रमण दलका सदस्यहरुलाई समीक्षात्मक जानकारी गराएका थिए । रासस
