-
-
-
-
रसुवा । रसुवाको उत्तरगया गाउँपालिका–५ लहरेपौवास्थित चौतारामा सुतली बम फेला परेको छ । प्रतिनिधि सभाका लागि लोकतान्त्रिक गठबन्धनका तर्फबाट उम्मेदवारी दिएका इन्जिनियर मोहन आचार्यको घर नजिकै बम फेला परेको प्रहरीले जनाएको छ ।
बम राखिएको जानकारी पाए लगत्तै नेपाल प्रहरी र नेपाली सेनाको बम डिस्पोजल टोली घटनास्थलमा गएको प्रहरी निरीक्षक धुब्र सिलवालले बताए । निर्वाचनलाई लक्षित गरी अज्ञात समूहले आज बिहान ७ बजे बम राखिएको स्थानियलाई उदृत गर्दै प्रहरीले जनाएको छ । घटनाबारे थप अनुसन्धान भैरहेको प्रहरीको भनाई छ ।
