काठमाडाै । चार प्रतिष्पर्धीलाई पछि पार्दै, ललितपुर चाकुपाट बस्ने ५ वर्षीया निहीरा बज्राचार्य ललितपुर पाटनको नयाँ कुमारी बनेकी छन् ।
चाकुपाट बस्ने मोहिनी बज्राचार्य र निरजरत्न बज्राचार्यका ५ वर्षीया छोरी निहीरा बज्राचार्यलाई नयाँ कुमारी छनोट गरिएको हो ।
तलितपुर तलेजु मन्दिरका मूल पुजारी अनन्त ज्वालानन्द राजोपाध्याय र उनकी श्रीमती पूर्णभद्रा देवी राजोपाध्यायले प्रतिष्पर्धामा ल्याइएका ५ बालिकामध्ये निहीरालाई छनाेट गरेका हुन् ।
रत्नाकर महाविहारसँग आबद्ध र कुमारी बन्न इच्छुकहरुलाई चिना सहित नाम दिन भनिएको थियो ।
नयाँ कुमारीका लागि १० जनाले चिना दिएका थिए । साेमबार बोलाइएको छनौट प्रक्रियामा भने ५ जना मात्रै सहभागी भएका थिए ।
चिना सहित ३ वर्षकी निबिना बज्राचार्य ३ वर्षकी सुरभी बज्राचार्य ३ वर्षकी नितिषा र ४ वर्षकी सोहना बज्राचार्यलाई हाजिर गराइएको थियो । ललितपुर पाटनमा बज्राचार्य कूलका कन्या कुमारी बनाउने चलन छ ।
छनाेट भएकी कुमारीलाई आउने ५ गतेदेखि कुमारी घरमा लगेर राखिने तलेजु पुजारी समितिका सहसचिव संजय शर्मा राजोपाध्यायले जानकारी दिएका छन् ।
