बागमती सभापतिको लागि बानियाँ र केसीबीच फेरि प्रतिस्पर्धा हुने, कसैको आएन ५१ प्रतिशत मत

रविन्द्र गौतम,

प्रकाशित २०७८ मंसिर १९ आइतबार

मकवानपुर । नेपाली कांग्रेस बागमती प्रदेश सभापतिमा सबैभन्दा बढी मत ईन्द्र बानियाँको आएको छ । हिजो भएको निर्वाचनको मध्यरात १२ बजेदेखि मतगणना भएको थियो । बिहान साढे ४ बजे मतगणना सकिएको हो ।

मत परिणाम अनुसार, बानियाँले ९९२ मत प्राप्त गरेका छन् । अर्का उम्मेदवार जगदीश्वरनरसिंह केसीले ८७२ मत पाए । भीमसेनदास प्रधानले १९७ मत प्राप्त गरेका छन् ।

बागमतीमा सभापति पदमा पुनः मतदान हुने भएको छ । कुनै पनि उम्मेदवारले ५१ प्रतिशत मत प्राप्त गर्न नसकेका कारण पुनः मतदान हुने भएको हो । बानियाँले कुल मतको ४८ प्रतिशत मत प्राप्त गरेका छन् ।

यसअघि गएराति १० बजे सकिएको मतदानमा २ हजार ८३ मत खसेको थियो । जसमा १० मत बदर भएको निर्वाचन समितिले जनाएको छ । बाँकी १२ जनाले सभापति पदमा मत नदिएको बताइएको छ । अब बागमतीमा दोश्रो चरणमा निर्वाचन हुनेछ ।