यी हुन् माओवादीको भागका राष्ट्रिय सभाका पाँच उम्मेदवार

हाम्रा कुरा

प्रकाशित २०७८ पुष २० मंगलबार

काठमाडौं । नेकपा (माओवादी केन्द्र) ले राष्ट्रिय सभा सदस्य निर्वाचनका लागि आफ्नो भागमा परेका पाँच उम्मेदवार टुंगो लगाएको छ । अध्यक्ष पुष्पकमल दाहाल ‘प्रचण्ड’ ले पार्टीको भागमा परेको पाँच सिटमा उम्मेदवार टुंगो लगाएका हुन् ।

हिजो सत्ता गठबन्धनबीच नेपाली कांग्रेसले ६, माओवादी र नेकपा एकीकृत समाजवादीले समान ५–५, जनता समाजवादी पार्टी जसपाले २ सिट र राष्ट्रिय जनमोर्चाले एक सिट पाउने सहमति भएको थियो ।

माओवादी केन्द्रले प्रदेश २ महिलामा उर्मिला अर्याल, गण्डकी अन्यमा सुरेश आले मगर, दलिततर्फ गोरखाका भरत सुनार, अपांगता कोटामा सुर्खेतका नरबहादुर विष्ट र सुदूरपश्चिम प्रदेश दलित कोटामा जगत पार्कीलाई उम्मेदवार चयन गरेको हो ।